Түүхт 100 жилийн баяр наадмын үеэр Хэнтий аймгийн иргэдийн Төлөөлөгчдийн Хурлын дарга Б.Цогт-Орших, Засаг дарга Д.Аюурбунь нар эрүүл мэндийн салбарын ажилчдын нийгмийн баталгааг хангах зорилтын хүрээнд 60,000,000 төгрөг бүхий батламжийг Аймгийн эрүүл мэндийн газрын дарга Д.Дашнамжилмаад гардууллаа.

Эрдэнэт хүний амь нас, эрүүл мэндийн төлөө зүтгэж буй үе үеийн эмч, мэргэжилтэн, эмнэлгийн ажилтан, албан хаагчдынхаа гавьяа зүтгэлийг алдаршуулсан эрүүл мэндийн салбарын 100 жилийн ойн баярын арга хэмжээ өнөөдөр Хэнтий аймгийн төв цэнгэлдэх хүрээлэнд ёслол төгөлдөр эхэллээ.

Жүдо бөхийн дэлхийн аваргын хүрэл медальт, Хэнтий аймгийн нэрийг дэлхийн тавцанд дуурсгасан шилдэг тамирчин Болдын Ганхайчид хүндэтгэл үзүүлэх мялаалга наадам өнөөдөр Чингис хотын төв цэнгэлдэх хүрээлэнд ёслол төгөлдөр эхэллээ.

#МОНГОЛ_УЛСЫН_НАЧИН_ШАРАВДОРЖИЙН_ОТГОНТӨГСТ_ХҮНДЭТГЭЛ_ҮЗҮҮЛЭХ_МЯЛААЛГА_НААДАМ_ЗОХИОН_БАЙГУУЛАГДАНА. ✅Тулгар төрийн 2234, Их Монгол улс байгуулагдсаны 819, Үндэсний эрх чөлөө, тусгаар тогтнолоо сэргээн мандуулсны 114, Ардын хувьсгалын 104, Ардчилсан хувьсгалын 35 жилийн ой, Төрийн их баяр наадамд 5 давж “МОНГОЛ УЛСЫН НАЧИН” цол хүртсэн Жаргалтхаан сумын харъяат Шаравдоржийн Отгонтөгсийн цолны мялаалга наадам 2025 оны 08 сарын 16-ны өдөр Жаргалтхаан суманд зохион байгуулагдана. ✅Мялаалга наадмаар улс, аймаг, сумын цолтой 128 бөхийн барилдаан, хурдан их нас, хязаалан морьдын уралдаан, үндэсний сурын харваа, үндэсний шагайн харвааны тэмцээн болно. ✅Та бүхнийг мялаалга наадамд хүрэлцэн ирэхийг урьж байна. ЖАРГАЛТХААН СУМЫН ИРГЭДИЙН ТӨЛӨӨЛӨГЧДИЙН ХУРАЛ, ЗАСАГ ДАРГЫН ТАМГЫН ГАЗАР

Айлчлалын хүрээнд тэрээр Хэнтий аймгийн иргэдийн Төлөөлөгчдийн Хурлын дарга Б.Цогт-Орших,Засаг даргын орлогч Б.Өнөрцолмон, Засаг даргын тамгын газрын дарга А.Жаргалсайхан болон холбогдох агентлаг, хэлтсийн дарга нартай уулзалт хийж, хоёр орны орон нутгийн түвшний хамтын ажиллагааг өргөжүүлэх, боловсрол, хөдөө аж ахуй, байгаль орчин, иргэний нийгмийн салбаруудад хамтран ажиллах боломжуудын талаар санал солилцлоо.

ЖҮДО БӨХИЙН ДЭЛХИЙН АВАРГЫН ХҮРЭЛ МЕДАЛЬТ БОЛДЫН ГАНХАЙЧИД 08 САРЫН 06-НЫ ӨДӨР ХҮНДЭТГЭЛ ҮЗҮҮЛНЭ Жүдо бөхийн дэлхийн аваргын хүрэл медальт, ОУХМ Болдын Ганхайчид хүндэтгэл үзүүлэх мялаалга наадам ирэх 08 дугаар сарын 06-ны өдөр Чингис хотын төв цэнгэлдэх хүрээлэнд зохион байгуулагдана. Наадмын үеэр: Соёолон насны морин уралдаан, Хүчит 64 бөхийн барилдаан, Өсвөрийн 32 бөхийн барилдаан тус тус болно. 📍 Аймгийн Төв цэнгэлдэх хүрээлэнд болно

📍Хан Хэнтий нутгийн түүх, соёлын үнэт өвийг дэлгэрүүлэн таниулах, Буряад ардын “Ёохор” хатар бүжгийг өвлүүлэн үлдээх зорилготой “Ёохор хатар-2025” наадам Хэнтий аймгийн Батширээт суманд ёслол төгөлдөр эхэллээ. 🎤 Энэхүү наадамд Монгол Улсын Их Хурлын гишүүн, Засгийн газрын гишүүн МУ-ын Тэргүүн Шадар сайд бөгөөд Эдийн засгийн хөгжлийн сайд Ням-Осорын Учрал, Хэнтий аймгийн ИТХ-ын дарга Б.Цогт-Орших, Хэнтий аймгийн Засаг дарга Д.Аюурбунь, Батширээт сумын Засаг дарга Б.Алтангэрэл, Батширээт сумын уугуул, Монгол Улсын Хөдөлмөрийн баатар, Ардын багш, доктор, профессор Нямсүрэнгийн Ням-Осор, Батширээт сумын Нутгийн Зөвлөлийн тэргүүн Ш.Дэнсмаа, Батширээт сумын Нутгийн зөвлөлийн тэргүүлэгч, Батширээт хөгжил сангийн тэргүүн, Ёохор наадмыг санаачлагч Ч.Ганхуяг, МУ-аас БНХАУ-ын Шанхай хотод суух өргөмжит Консул Д.Болд, МУ-ын тэргүүн шадар сайдын зөвлөх Г.Дашням, ССАЖЗЯ-ны Санхүү хөрөнгө оруулалтын газрын хяналтын инженер Б.Золбоо, ССАЖЗЯ-ны Соёлын өвийн бодлого зохицуулалтын газрын Соёлын биет бус өвийн асуудал хариуцсан мэргэжилтэн Ц.Цолмон болон түүх, соёл, урлагийн салбарын хүндэт зочид, судлаачид, уран бүтээлчид оролцож үг хэлэн, баярын мэндчилгээ дэвшүүллээ. АЙМГИЙН ИРГЭДИЙН ТӨЛӨӨЛӨГЧДИЙН ХУРЛЫН АЖЛЫН АЛБА

Аймгийн иргэдийн Төлөөлөгчдийн Хурлын ээлжит Долоодугаар хуралдаан 09:00 цагт эхэлж, 28 төлөөлөгч буюу 80 хувийн ирцтэйгээр эхэллээ. Энэ удаагийн хуралдаанаар дараах асуудлыг хэлэлцэнэ. 1.Аймгийн 2024 оны төсвийн гүйцэтгэл батлах тухай 2.Аймгийн 2025 оны төсвийн тодотгол батлах тухай 3.Үндсэн хөрөнгө худалдах, шилжүүлэх, актлах тухай

Монгол Улсын Их Хурлын 2025 оны хаврын ээлжит чуулганаар /2025.07.09/ улсын 2025 оны төсөвт тодотгол хийсэнтэй уялдуулан аймгийн 2025 оны төсөвт өөрчлөлт оруулах асуудлыг энэхүү хуралдаанаар хэлэлцлээ. Аймгийн 2025 оны төсвийг 14,110,336.6 сая төрөгөөр бууруулж, нийт төсвийг 61,680,300.8 сая төгрөг болгож тодотгол баталлаа. Мөн сумдад олгох санхүүгийн дэмжлэгийг 5,946,380.2 сая төгрөгөөр бууруулж, 21,951,328.4 сая төгрөг, сумдад олгох ОНХСангийн орлогын шилжүүлгийг 4,222,229.5 сая төгрөгөөр бууруулж, 9,069,188.7 сая төгрөг болгон тус тус бууруулж тодотголоо.

Аймгийн төсвийн ерөнхийлөн захирагчийн 2024 оны орлогын гүйцэтгэлийн нийт дүнг 107289.3 сая төгрөг, зарлагын гүйцэтгэлийг 93909.2 сая төгрөгөөр тус тус баталлаа. Аймгийн санхүүгийн нэгтгэсэн тайланд ✅️Орон нутгийн төсвийн байгууллага 51 ✅️Улсын төсвийн орон нутаг дахь байгууллага 119, ✅️Төсөл, сан 74 ✅️Төрийн сангийн нэгж 23 ✅️ Орон нутгийн өмчит 22 буюу нийт 289 байгууллагын санхүүгийн тайланг нэгтгэн, 255.0 тэрбум төгрөгийн нийт хөрөнгөтэй гарч өмнөх оноос 10.4 хувиар нэмэгдсэн байна. Үүний 37.3 тэрбум төгрөг нь мөнгөн хөрөнгө, 8.5 тэрбум төгрөг нь авлага, 9.6 тэрбум төгрөг нь бараа материал, 199.6 тэрбум төгрөг нь үндсэн хөрөнгө байна.

Аймгийн Иргэдийн Төлөөлөгчдийн Хурлын Долоодугаар хуралдаанаар орон нутгийн өмчит хуулийн этгээдийн үндсэн хөрөнгөд бүртгэлтэй дараах үндсэн хөрөнгөтэй холбоотой асуудлуудыг хэлэлцэн баталлаа. ✅️ 1 нэрийн 23,300,000 төгрөгийн хуримтлагдсан элэгдэлтэй үлдэх өртөггүй тээврийн хэрэгслийг нээлттэй дуудлагын худалдаагаар худалдах ✅️ 3 нэрийн 111,080,000 төгрөгийн балансын үнэтэй, 79,176,333.33 төгрөгийн үлдэх өртөг бүхий үндсэн хөрөнгийг балансаас балансад шилжүүлэх ✅️ 11 нэрийн 236,916,635 төгрөгийн балансын үнэтэй, 143,039,478.96 төгрөгийн үлдэх өртөгтэй ашиглалтын хугацаа дууссан, сэргээн засварлах боломжгүй болсон ашиглалтын шаардлага хангахгүй, мэргэжлийн байгууллагын дүгнэлт гарсан, засвар хийхэд эдийн засгийн хувьд ашиггүй үндсэн хөрөнгүүдийг актлах

Аймгийн иргэдийн Төлөөлөгчдийн Хурлын Долоодугаар хуралдаан хуралдахтай холбогдуулан намын бүлгүүд хуралдаж, хуралдаанаар хэлэлцэх асуудлыг хэлэлцэж байна.

Аймгийн иргэдийн Төлөөлөгчдийн Хурлын дарга бөгөөд аймагт ГХУСАЗСЗ-ийн дарга Б.Цогт-Орших “Бүсийн зөвлөгөөн 2025” үеэр Дархан сумын удирдлагуудын хамт сургуулийн барилгатай танилцлаа.

Монгол Улсад Гэмт хэргээс урьдчилан сэргийлэх ажлыг зохицуулах зөвлөл байгуулагдсаны 60 жилийн ой тохиож буйтай холбогдуулан, Хэнтий аймгийн Гэмт хэргээс урьдчилан сэргийлэх ажлыг зохицуулах салбар зөвлөлийн 2025 оны үйл ажиллагааны төлөвлөгөөний дагуу урд бүсийн зөвлөгөөн 2025 оны 7 дугаар сарын 1-ний өдөр Дархан суманд зохион байгуулагдана.