Сургуулийн өмнөх насны хүүхэд багачуудыг зам тээврийн осол, хэргээс урьдчилан сэргийлэх, замын хөдөлгөөний дүрмийн анхан шатны мэдлэг олгох, замын хөдөлгөөнд соёлтой оролцох дадалыг багаас нь олгох зорилгоор "ЗАМЫН ХӨДӨЛГӨӨНИЙ ЦАГААН ТОЛГОЙ - 2017"  5-р сарын 29-ний өдөр зохион байгууллаа. Тэмцээнийг Аймгийн иргэдийн Төлөөлөгчдийн Хурлын дэргэдэх ГХУСАЗСЗ-өөс хүүхэд багачуудыг зам тээврийн осол, хэргээс урьдчилан сэргийлэх, замын хөдөлгөөнд соёлтой оролцох дадалыг багаас нь олгоход дэмжлэг болох зорилгоор 1сая төгрөгөөр ивээн тэтгэж оролцсон юм. Энэхүү тэмцээнийг Аймгийн иргэдийн Төлөөлөгчдийн Хурлын дарга Л.Батсайхан нээн эхлүүлсэн юм.

Тэмцээнд Хэрлэн сумын 8 цэцэрлэг, Бэрх хотын цэцэрлэг, Баянхутаг сумын цэцэрлэг нийт 10 баг өрсөлдлсөнөөс нийлбэр дүнгээр Тэргүүн байрыг Хэрлэн 1 дүгээр цэцэрлэг, 2 дугаар байрыг Хэрлэн 7 дугаар цэцэрлэг, 3 дугаар байрыг Хэрлэн 3 дугаар цэцэрлэг тус тус эзэлж Тусгай байрт Хэрлэн 4 цэцэрлэг шалгарсан юм.

Энэ жил тус тэмцээнд оролцогч баг тус бүр хүүхдийг зам тээврийн ослоос урьдчилан сэргийлэх, мэдлэг олгох богино хэмжээний шторк, хүүхэд эцэг эхчүүд мэдлэг мэдээлэл авах боломжтой Анхны тусламжийн булан байгуулж оролцож байгаагаараа онцлог юм.