Монгол Улсын Үндсэн хуульд оруулах нэмэлт өөрчлөлтийн төсөл нь 2016 оны 12-р сараас эхэлсэн бөгөөд өнөөдөр энэхүү төслийн хэлэлцүүлэг Баянмөнх суманд амжилттай зохион байгуулагдлаа. 

Хэлэлцүүлэгт Аймгийн иргэдийн Төлөөлөгчдийн Хурлын Хууль эрхзүйн асуудал хариуцсан ажилтан Д.Сарангэрэл, Хэрлэн сумын иргэдийн Төлөөлөгчдийн Хурлын нарийн бичгийн дарга З.Энхболд болон Хэнтий ТВ-ийн сурвалжлах багийнхан ажилласан бөгөөд Баянмөнх сумын хувьд Баянбулаг багаас 57, Дулаан багаас 53, Улаан-эрэг багаас 44, Хэрлэн багаас 15 иргэд тус тус хамрагдав. 

Уг төслийн хэлэлцүүлэг нь Үндсэн хуульд оруулах нэмэлт өөрчлөлтийн төслийн 5 дахь шат буюу иргэдээс санал асуулга авч УИХ-д өргөн барьснаар ард нийтийн санал асуулга явуулах эсэх болон Үндсэн хуульд нэмэлт өөрчлөлт оруулах эсэхийг 10 дугаар сард УИХ-ын Чуулганаар хэлэлцэх юм.
Монгол Улсын иргэн та иргэнийхээ үүргийг гүйцэтгэж хэлэлцүүлэгт идэвхи санаачлагатай оролцоно уу?
Иргэн таны саналыг үнэ төлбөргүйгээр "Монгол Шуудан" ХК-ийн бүх салбараар хүлээн авч Төслийг боловсруулах ажлын хэсэгт хүргэх юм.