АЙМГИЙН ИРГЭДИЙН ТӨЛӨӨЛӨГЧДИЙН ХУРЛЫН ТЭРГҮҮЛЭГЧИД ӨНӨӨДӨР ХУРАЛДАЖ 4
АСУУДАЛ ХЭЛЭЛЦЭЖ ШИЙДВЭРЛЭЛЭЭ.
1-р асуудал буюу Хан Хэнтий Чуулга 1983 онд байгуулагдсан
бөгөөд энэ жил 35 жилийн ой тохиож байгаа юм. Харин мэргэжлийн урлагийн байгууллага
үүссэн цаг хугацаа нь 60 жил байгаа тул 2018 оны 09-р сард Ардын дуу бүжгийн
Хан Хэнтий Чуулгын 60 жил жилийн ой болгон тэмдэглэх хүсэлтийг гаргасан ч
тэргүүлэгчдийн тухайд “Хан Хэнтий Чуулгын 35 жил, Мэргэжлийн урлагийн
байгууллага үүсэн байгуулагдсаны 60 жилийн ой” гэж нэрлэвэл зохистой гэдэгт
санал нэгдлээ.
2-р асуудал болох Эд хөрөнгө худалдах, шилжүүлэх тухайд
Галшар сумын эмнэлэгийн УАЗ-469 автомашин, Өлзийт тосгоны эмнэлэгийн УАЗ-469
автомашин, Өмнөдэлгэр сумын эмнэлэгийн УАЗ-469 автомашинуудыг нээлттэй дуудлага
худалдаанд оруулах саналыг оруулснаар 4.500.000, 4.000.000, 5.000.000
төгрөгнөөс эхэлж дуудахаар дэмжигдэв.
3-р асуудал буюу Төрийн дээд шагнал, одон медальд иргэдийг өргөн мэдүүлэх тухай асуудлыг хэлэлцээд нийт 63 хүний материалыг Ерөнхийлөгчийн Тамгын газарт хүргүүлэхээр тогтов.
4-р асуудал буюу Улсын болон орон нутгийн төсвөөс зээл олгодог,
эргэн төлөгддөг сумдын сум хөгжүүлэх сан, жижиг дунд бизнесийг дэмжих сангийн
2014-2016 оны үйл ажиллагааны аудитын тухай танилцуулав.Сумдын сум хөгжүүлэх
сангаас олгосон зээлийн эргэн төлөлт хангалтгүйгээс зээл олголт буурч
найдваргүй авлага бий болсон байна.
Үүний
хүрээнд Аймгийн иргэдийн Төлөөлөгчдийн Хурлаас :
- Зээлийн зөвлөл тухайн төсөл арга хэмжээний
үнэлгээг үнэн бодит байдалд тулгуурлан, журмаар тогтоосон хэмжээнд нь олгох,
журамд тусгагдсанаас бусад зардал, зориулалт бусаар зарцуулахгүй байхад
анхаарах,
- Сангаас олгосон зээл, зээлийн хүүгийн эргэн
төлөлтийн явцын мэдээ тайланд тогтмол хяналт тавьж, хяналтын ажлын хэсгийн үйл
ажиллагааг идэвхжүүлэх, холбогдох албан тушаалтнуудын ажлын хариуцлагыг
нэмэгдүүлэх, гэрээний хугацаа дууссан зээлийн авлагын үлдэгдлийг яаралтай
хуулийн байгууллагад шилжүүлж шийдвэрлүүлэх,
- Цаашид иргэдэд ил тод нээлттэй, зайлшгүй шаардлагатай төсөлд зээл олгож байх талаар аймаг сумдын засаг дарга болон сумдын зээлийн сангийн зөвлөлд үүрэг даалгавар өгөв.