Өнгөрсөн хавар Хэрлэн голын сав газрын зөвлөлийн анхдугаар хуралдаан болсон бөгөөд энэ үеэр Хэрлэн голын тахилгыг 3 аймгийн заагт зохион байгуулж байх санал санаачлага гарган дэмжигдсэнээр өнөөдрийн билэгт сайн өдөр Хэнтий аймгийн Баян-Овоо сумын “Хошуу бургас” хэмээх газарт Хэрлэн голоо тахилаа.       

Энэхүү тахилганд Хэнтий аймгийн иргэдийн Төлөөлөгчдийн Хурлын дарга Л.Батсайхан, Дорнод аймгийн Засаг дарга М.Бадамсүрэн, Усны бодлого хариуцсан зөвлөх, Байгаль орчны гавъяат ажилтан, доктор Ц.Балдандорж, Хэрлэн голын сав газрын зөвлөлийн гишүүн, Урлаг судлалын ухааны доктор, зураач, яруу найрагч, соёлын гавъяат зүтгэлтэн Ж.Саруулбуян, Сүхбаатар аймгийн Түмэнцогт сумын иргэдийн Төлөөлөгчдийн Хурлын дарга н.Энхбат, Дорнод аймгийн Хөлөнбуйр сумын Засаг дарга н.Ганхуяг нар оролцлоо.Энэ үеэр Ардын дуу бүжгийн Хан Хэнтий Чуулгын уран бүтээлчид ая дуугаа өргөж, Аймгийн Гүндүгаравлин хийдийн лам нар ном уншиж газар усаа баясгав.

Дараа жилийн тахилга Дорнод аймгийн Хөлөнбуйр суманд зохион байгуулагдахаар товлов.