Гэмт хэргээс урьдчилан сэргийлэх болон хууль сурталчлах чиглэлээр ДЭВЖЭЭ тэмцээнийг Аймгийн ИТХ, аймгийн ГХУСАЗСЗ, Сумдын ГХУСАЗСЗ хамтран 5 бүс болгон хувааж зохион байгуулж байгаа бөгөөд өнөөдөр буюу 10-р сарын 11-ний өдөр Баруун бүс Цэнхэрмандал суманд амжилттай явагдаж  өндөрлөв.

Энэхүү ДЭВЖЭЭ тэмцээний зорилго нь Сумдын Гэмт хэргээс урьдчилан сэргийлэх ажлыг зохицуулах салбар зөвлөлийн үйл ажиллагааг эрчимжүүлэх, иргэдийн хууль, эрхзүйн мэдлэгийг нэмэгдүүлэх, байгууллага, ажилтан, төрийн албан хаагчдын хамтын ажиллагаа, багаар ажиллах чадварыг нэмэгдүүлэх, туршлага солилцох зорилготой ба Баруун бүс Цэнхэрмандал суманд Дэлгэрхаан, Өмнөдэлгэр, Цэнхэрмандал, Мөрөн зэрэг 4 сумд өрсөлдлөө.          

Тэмцээний  ерөнхий шүүгчээр АЗДТГ-ын Хууль эрхзүйн хэлтсийн дарга бөгөөд ГХУСАЗСЗ-ийн нарийн бичгийн дарга Л.Бат-Октябрь нээж, шүүгчдээр аймгийн цагдаагийн газрын Замын Цагдаагийн тасгийн дарга, Цагдаагийн хошууч Х.Мөнх-эрдэнэ, Аймгийн иргэдийн Төлөөлөгчдийн Хурлын Орон нутаг хариуцсан ажилтан  Ш.Эрдэнэжаргал, АЗДТГ-ын Нийгмийн бодлогын хэлтсийн мэргэжилтэн Ц.Мөнгөнзул нар ажиллалаа.

Цэнхэрмандал суманд болсон Баруун бүсийн ДЭВЖЭЭ тэмцээнд ХОЁРДУГААР байранд 75 оноогоор Мөрөн сумын “СОЁМБО” баг, НЭГДҮГЭЭР байр буюу Аваргын төлөөх тэмцээнд оролцох эрхийн бичгийн эзнээр 79 оноотой Өмнөдэлгэр сумын “СОЁМБО” баг шалгарлаа.