АЙМГИЙН ИРГЭДИЙН ТӨЛӨӨЛӨГЧДИЙН ХУРЛЫН ЭЭЛЖИТ VI ХУРАЛДААНЫГ ИРЭХ САРЫН 8-НЫ ӨДӨР ХУРАЛДУУЛАХААР
ТЭРГҮҮЛЭГЧИД ТОВЛОВ...
Аймгийн иргэдийн Төлөөлөгчдийн Хурлын Тэргүүлэгчид 18
дугаар хуралдаанаа хийж нийт 5 асуудал
хэлэлцэхээр байсан ч Тэргүүлэгч Ц.Идэрбат Аймгийн 6-р хуралдааны товыг зарлах
санал нэмж оруулснаар дэмжигдлээ.
1-р асуудал: Аймгийн Үндэсний аюулгүй байдал хариуцсан орон тооны зөвлөл байгуулах
тухайд Аймгийн Засаг даргын Тамгын газрын Цэргийн штабаас танилцуулж дараах
бүрэлдэхүүнтэйгээр зөвлөл байгуулахыг батлав.
-Зөвлөлийн даргаар:
Аймгийн Засаг дарга
-Зөвлөлийн нарийн
бичгийн даргаар: Аймгийн ЗДТГ-ын дарга
Гишүүдээр: - Аймгийн ЗДТГ-ын Хууль эрхзүйн хэлтсийн
дарга
- Аймгийн Засаг даргын Тамгын газрын Цэргийн штабын дарга
- Аймгийн Цагдаагийн газрын дарга
- Тагнуулын ерөнхий газрын харъяа Хэнтий аймаг дахь хэлтсийн дарга
- Аймгийн Онцгой байдлын газрын дарга
- Аймгийн Мэргэжлийн хяналтын газрын дарга зэрэг
бүрэлдэхүүнтэйгээр баталлаа.
2-р асуудал: Эд хөрөнгө шилжүүлэх тухайд Орон нутгийн өмчийн газрын дарга
Ц.Дэмбэрэлсайхан танилцуулснаар Баянхутаг сумын эмнэлгийн ашиглагдаж байсан
2013 оны Фургон автомашиныг Санхүү хяналт, аудитын албанд шилжүүлэхээр болов.
3-р асуудал: 2017 оны 5-р сарын 5-ны өдрийн 2017
оны төсвийн тодотгол батлах тухай 02дугаар тогтоолын 06дугаар хавсралтад өөрчлөлт
оруулжээ.
4-р асуудал: Ажлын цагийн хуваарь өөрчлөх тухай
Тэргүүлэгчид хэлэлцэж ЕБС, цэцэрлэгийн эрхлэгч, захирал нартай БСУГ-ын дарга С.Мөнхцэцэг
уулзалт хийж цагийн хуваарийг ярилцаж санал дүгнэлтийг сонсож дараагийн
хуралдаанаар оруулахаар хойшлуулав.
5-р асуудал: Төрийн дээд шагналд өргөн мэдүүлэх тухай Аймгийн иргэдийн
Төлөөлөгчдийн Хурлын ажилтан Т.Алтаншагай танилцуулж нийт 35 хүний материалыг
Ерөнхийлөгчийн Тамгын газарт хүргүүлэхээр тогтов. Өргөн мэдүүлэх
шаардлага хангасан 35 иргэний хувьд энэ удаа Их эзэн Чингис хааны мэндэлсэний 855 жилийн
ой, Улс тунхагласны 93 жилийн ойг тохиолдуулан аймаг орон нутгийнхаа хөгжилд
үнэтэй хувь нэмэр оруулж эрхэлсэн ажилдаа амжилт гаргасан нэр бүхий иргэдийг
Монгол улсын төрийн дээд одон медалиар шагнуулахаар уламжилжээ.
6-р асуудал: Аймгийн иргэдийн Төлөөлөгчдийн Хурлын Төлөөлөгчдийн VI хуралдааны тов тогтоох тухай Тэргүүлэгчид хэлэлцэж 2017 оны 11-р сарын 08-ны өдөр хуралдуулахаар тогтлоо.