Аймгийн иргэдийн
Төлөөлөгчдийн Хурлын Тэргүүлэгч Д.Амгаланбаатар НҮБ-ын Хөгжлийн хөтөлбөрийн
“Монгол улсын төлөөллийн байгууллагыг бэхжүүлэх нь” төсөлд бичсэн “Хэнтий
аймгийн иргэдийн Төлөөлөгчдийн Хурлын шийдвэр гаргах үйл ажиллагаанд зөвлөлдөх
санал асуулгын арга зүйг нэвтрүүлэх нь” төсөл шалгарсан билээ.
Тэгвэл энэхүү төсөл хэрэгжиж эхэлж байгаа бөгөөд төслийн
хүрээнд аймгийн төвийн 2-р багийн нутаг дэвсгэрт орших хуучин оршуулгын газрыг
дахин төлөвлөх, цаашид оршуулгын үйл ажиллагааг зохицуулах шийдлүүдийг иргэдийн
санал асуулгаар хэлэлцүүлж байна.
Хэлэлцүүлэгт Аймгийн иргэдийн Төлөөлөгчдийн Хурлын дарга
Л.Батсайхан, Аймгийн Засаг дарга Н.Ганбямба, Аймгийн иргэдийн Төлөөлөгчдийн
Хурлын Тэргүүлэгч Д.Амгаланбаатар нар оролцож үг хэллээ.
Хэлэлцүүлгийг Аймгийн иргэдийн Төлөөлөгчдийн Хурлын дарга
Л.Батсайхан нээж хэлсэн үгэндээ: “Аймгийн иргэдийн Хурлын байгууллага аливаа
шийдвэр гаргах түвшинд ард иргэдийнхээ оролцоог хангаж ажиллах ёстой. Тиймээс
энэхүү хэлэлцүүлэг үүний эхлэл болж байна. Цааш цаашдаа олон өргөн хүрээний
иргэдийн дунд тулгамдсан асуудлуудаа ард иргэдийн санал гомдлыг авч
хэлэлцүүлнэ. Өнгөрсөн хугацаанд бид Хэнтий мэдээ сонинтой хамтран иргэдийнхээ
дунд “Шинэ санаа, Шинэ шийдэл” ухаалаг дэвтрийг аялуулсан бөгөөд иргэдээс олон
санаа шийдлүүд гарсаныг дэс дараагаар нь эрэмбэлээд сумд руу хүргүүлсэн
байгаа.” Гэж хэлээд хэлэлцүүлэгт амжилт хүсэв.
Дашрамд дурдахад Бурхан болоочийг уламжлалт байдлаар газар оршуулахад хүний
биеийн хатуу эдүүд 40-50 жилд, зөөлөн эдүүд 3-5 жилд задардаг буюу хүний бие 60
жилд бүрэн задардаг байна. Үүнээс үүдэн боомын савханцарын вирусыг 30-40 жил,
тарваган тахалын вирусыг 40 жилийн хугацаанд агаарт амьдрах чадвартай байдаг
байна.