БАГИЙН ИРГЭДИЙН НИЙТИЙН
ХУРЛЫН ДАРГА НАРЫН СУУРЬ СУРГАЛТ 2 ӨДРИЙН ТУРШ АМЖИЛТТАЙ БОЛЖ ӨНДӨРЛӨЛӨӨ...
“Нутгийн өөрөө удирдах байгууллагын чадавхийг
бэхжүүлэх нь” төслийн хүрээнд зохион байгуулагдсан уг сургалтанд Аймгийн 18 сумын
88 багийн иргэдийн нийтийн хурлын дарга болон хурлын нарийн бичгийн дарга нар
хамрагдав. Энэхүү сургалтыг төслийн хүрээнд бэлтгэгдсэн Аймгийн ИТХ-ын нарийн
бичгийн дарга С.Бат-Эрдэнэ, Аймгийн хуралд 5 удаа сонгогдсон, Баян-Овоо сумын
Засаг дарга Д.Баянмөнх, Дорноговь аймгийн иргэдийн Төлөөлөгчдийн Хурлын нарийн
бичгийн дарга Ц.Мөнгөнцоож, сургагч
багш С.Цогтоо нар заан явууллаа.
Өнөөдрийн сургалтын зорилго бол засаг захиргааны анхан шатны нэгж болох
багийн ИНХ-ын дарга нарын үйл ажиллагааны чадавхийг нэмэгдүүлэх, хууль эрх зүйн
мэдлэг мэдээлэл өгөх, арга зүйд суралцахад чиглэгдсэн юм.
“Монгол улсын Төлөөллийн байгууллагын чадавхийг бэхжүүлэх нь” төслийн
хүрээнд өнгөрсөн оны 11 дүгээр сар, мөн энэ оны 2 дугаар сард манай аймгийн
нийт сумдын ИТХ-ын төлөөлөгчид, багийн иргэдийн нийтийн хурлын дарга нар суралцжээ.
Мөн аймгийн иргэдийн Төлөөлөгчдийн Хурлын Тэргүүлэгчид манлайллын сургалтад
хамрагдсан бөгөөд Манлайллын сургалтыг
аймгийн хэмжээнд үргэлжлүүлэх төлөвлөгөөтэй байгаа ажээ.
Энэхүү сургалтыг явуулснаар ИТХ-ын
төлөөлөгчдийн эрхзүйн болон эдийн засгийн мэдлэг боловсролыг хичээлийн тодорхой
хөтөлбөрийн дагуу дээшлүүлж, иргэдээ төлөөлж ажиллах чадавхийг нь бэхжүүлэх давуу талтай юм.