Хэрлэн сумын 2-р баг нь 126 мал бүхий иргэнтэй бөгөөд үүнээс 53 нь малчин,
үлдсэн нь мал бүхий иргэд байдаг ажээ. Тус баг нь Хэрлэн сумын хэмжээнд хамгийн
бага малтай баг ба 35 мянган толгой малтай аж.
Уг зөвлөгөөн нь ирэх 12-р сарын 7-ноос мал тооллого эхлэх гэж байгаатай холбогдуулан
малчдынхаа өвөлжилтийн бэлэн байдлыг хангуулах үүднээс зохион байгуулагдлаа. Зөвлөгөөнд
Аймгийн иргэдийн Төлөөлөгчдийн Хурлын дарга Л.Батсайхан, Хэрлэн
сумын ЗДТГ-ын дарга Г.Болд, аймгийн Цагдаагийн газрын Мал хулгайлах гэмт хэрэгтэй
тэмцэх тасгийн дарга, цагдаагийн дэд хурандаа Ж.Чулуунбат, Хэрлэн сумын 2-р
багийн Засаг дарга Б.Хүрэлзүрх нар оролцлоо.
Мөн малчдад гол тулгамдаж байгаа асуудлыг нь сонсож, төр
засгаас хэрэгжүүлэх бодлого шийдвэрийг танилцуулав. Зөвлөгөөнд тус багаас
сонгогдсон төлөөлөгч Аймгийн иргэдийн Төлөөлөгчдийн Хурлын дарга Л.Батсайхан Төлөөлөгчийнхөө
хувьд хийсэн ажлын тайлангаа танилцуулж гол тулгамдаж байгаа асуудлыг нь сонсон
юм.
Энэ үеэр Хэнтий аймгийн Цагдаагийн газрын Мал хулгайлах
гэмт хэрэгтэй тэмцэх тасгийн дарга, цагдаагийн дэд хурандаа Ж.Чулуунбат Малын
хулгайн талаар мэдээлэл хийлээ.