ГХУСАЗСЗ-ӨӨС ЗАМЫН ЦАГДААГИЙН ТАСАГТ ЗАМ ТЭЭВРИЙН ОСЛООС
УРЬДЧИЛАН СЭРГИЙЛЭХ ЗОРИЛГООР БОСОО ЦАГДАА БУЮУ ГЭРЭЛ ДОХИО -10ш, ЦАЦРУУЛАГЧТАЙ
ТОВРУУ 100 ШИХЭГИЙГ ГАРДУУЛАН ӨГӨВ...
Хэнтий аймгийн Замын хөдөлгөөний аюулгүй байдлыг хангах
чиглэлээр Аймгийн Гэмт хэргээс урьдчилан сэргийлэх ажлыг зохицуулах салбар
зөвлөл болон Аймгийн Засаг дарга онцгой
анхааралдаа аван ажиллаж байгаа. Үүний
дагуу өнгөрсөн жил Цэнхэрмандал суманд 85 сая төгрөгийн өртөг бүхий пост
барьсан. Хэрлэн сумын хэмжээнд замын тэмдэг тэмдэглэгээний асуудал байдаг үүний
хүрээнд өнгөрсөн онд 28,5 сая төгрөгийн санхүүжилтийг тавьснаар тэмдэг
тэмдэглэгээ хийгдсэн байгаа. Мөн хэвтээ замын дагуух тэмдэглэгээг тавих
шаардлага тулгарч байгаатай холбогдуулан 2018 оны төсөвт 28,7 сая төгрөгийн
төсвийг тавьж өгчээ.
Харин өнөөдөр Аймгийн ИТХ-ын дарга, Аймгийн Гэмт хэргээс
урьдчилан сэргийлэх ажлыг зохицуулах салбар зөвлөлийн дарга Л.Батсайхан Замын
осол гарах магадлалтай тойргуудад жолооч нарын анхаарал сонор сэрэмжийг
дээшлүүлэхэд чиглэгдсэн “босоо цагдаа” буюу “гэрэл дохио” -10ш, “цацруулагчтай
товруу” 100 ширхэгийг Хэнтий аймгийн Цагдаагийн газрын Замын цагдаагийн тасагт
гардуулан өгөв.