ХАМГААЛАЛТЫН БҮС ШИНЭЧЛЭН ТОГТООЖ, ОРОН НУТГИЙН ТУСГАЙ ХАМГААЛАЛТАД АВАХ ТУХАЙ ТОГТООЛ БАТЛАГДЛАА
Чингэлтэй дүүргийн Иргэдийн Төлөөлөгчдийн Хурлын ээлжит тавдугаар хуралдаанаар Орон нутгийн тусгай хамгаалалтад авах газрууд, Хамгаалалтын бүс шинэчлэн тогтоох тухай асуудлыг Иргэдийн Төлөөлөгчдийн Хурлын Төлөөлөгчид хэлэлцэн баталлаа. Монгол Улсын Засаг захиргаа, нутаг дэвсгэрийн нэгж, түүний удирдлагын тухай хуулийн 18 дугаар зүйлийн 18.1.2 “К”, Тусгай хамгаалалттай газар нутгийн тухай хуулийн 3 дугаар зүйлийн 3.2, 28 дугаар зүйлийн 28.3 дахь заалт, Байгаль Орчны Сайдын 2000 оны журам батлах тухай “Газар нутгийг орон нутгийн хамгаалалтад авах тухай” 07 дугаар тушаалыг тус тус үндэслэн дүүргийн Иргэдийн Төлөөлөгчдийн Хурлаас дүүргийн 19 дүгээр хорооны нутаг дэвсгэр Чингэлтэй Хайрхан уулын салбар уулс болох Шадивлан, Яргайт, Яргайтын богино, Гүнт, Жигжид, Майхан толгой, Ойн булаг орчмын орон нутгийн тусгай хамгаалалтын бүсийг шинэчлэн тогтоож, орон нутгийн хамгаалалтад авахаар боллоо. 
Хэнтий аймгийн нутаг дэвсгэрт хамаарах усны сан бүхий газрын онцгой болон энгийн
хамгаалалтын бүсийн талбайн хэмжээ, хилийн зааг, унд ахуйн ус хангамжийн эх үүсвэрийн худгуудын эрүүл ахуйн хориглолтын болон хязгаарлалтын бүсийн талбайн хэмжээ, хилийн заагийг, усны сан бүхий газрын хамгаалалтын бүсэд давхацлын зөрчилтэй нэгж талбайн хэмжээ, эргэлтийн цэгийг тус тус батлахаар бэлтгэл ажлыг хангаж байгаа тул иргэд та бүхэн саналаа өгнө үү
Хамгаалалтын бүсийн хил заагийн мэдээллийг харах: Egazar.gov.mn цахим хаягаар орж Хэнтий аймгийн хилийг сонгоно. Аймаг\хот, цэснээс→Хэнтий, Сум\Дүүрэг цэснээс→сумын нэрийг сонгоход Давхаргууд цэс гарч ирнэ. Цэснээс→Төслийн шатны төлөвлөгөө→Аймгийн газар зохион байгуулалтын төлөвлөгөө→5:Усны сан бүхий газар→ 50201001:, 50201002: -ийг идэвхижүүлж хилийн цэсийг газрын зураг дээр харах боломжтой.
санал өгсөн: 8
