ОЛОН УЛСЫН МАТЕМАТИКИЙН АНХДУГААР УРАЛДААНД БНХАУ-ын ЭРЭЭН ХОТООС ОРОЛЦСОН СУРАГЧДЫГ ХҮЛЭЭН АВЧ УУЛЗЛАА
Тусгаар тогтнолоо сэргээн тогтоосны ойд зориулсан олон улсын математикийн анхдугаар уралдаан энэ сарын 16, 17, 18-ны өдрүүдэд болж өнгөрлөө. Тус олимпиадыг Олонлог академитай хамтран дүүргийн Засаг даргын Тамгын газраас амжилттай зохион байгууллаа. Энэхүү уралдаан нь УИХ-ын гишүүн Д.Ганболдын дэмжлэгтэйгээр анх удаа олон улсын хэмжээнд зохион байгуулж буйгаараа онцлогтой юм.
Олимпиадад хамтын ажиллагаат хот дүүргүүдээс урилгаар 6-12 дугаар ангийн 120 гаруй сурагч оролцсоноос дүүргийн Иргэдийн Төлөөлөгчдийн Хурлын гадаад хамтын ажиллагааны хүрээнд урилгаар БНХАУ-ын Эрээн хотын 1 дүгээр сургуулийн багш Б.Түвшингээр ахлуулсан есдүгээр ангийн сурагч Шү Хао, аравдугаар ангийн сурагч Ген Руй, Хан Чи нар амжилттай оролцлоо.Дүүргийн ИТХ-ын дарга Д.Бат-Эрдэнэ Б.Түвшингээр ахлуулсан сурагчдыг хүлээн авч уулзан баяр хүргэж сурагчдад сурлагын өндөр амжилт хүсч гарын бэлэг гардуулав.Тус олимпиад цаашид уламжлал болон зохион байгуулагдах бөгөөд Эрээн хотын I сургуулийн багш Б.Түвшин дараа жил илүү өргөн бүрэлдэхүүнтэй оролцоно гээд дүүргийн ИТХ-ын дарга Д.Бат-Эрдэнэд хүлээн авч уулзаж байгаад талархал илэрхийллээ. 
Хэнтий аймгийн нутаг дэвсгэрт хамаарах усны сан бүхий газрын онцгой болон энгийн
хамгаалалтын бүсийн талбайн хэмжээ, хилийн зааг, унд ахуйн ус хангамжийн эх үүсвэрийн худгуудын эрүүл ахуйн хориглолтын болон хязгаарлалтын бүсийн талбайн хэмжээ, хилийн заагийг, усны сан бүхий газрын хамгаалалтын бүсэд давхацлын зөрчилтэй нэгж талбайн хэмжээ, эргэлтийн цэгийг тус тус батлахаар бэлтгэл ажлыг хангаж байгаа тул иргэд та бүхэн саналаа өгнө үү
Хамгаалалтын бүсийн хил заагийн мэдээллийг харах: Egazar.gov.mn цахим хаягаар орж Хэнтий аймгийн хилийг сонгоно. Аймаг\хот, цэснээс→Хэнтий, Сум\Дүүрэг цэснээс→сумын нэрийг сонгоход Давхаргууд цэс гарч ирнэ. Цэснээс→Төслийн шатны төлөвлөгөө→Аймгийн газар зохион байгуулалтын төлөвлөгөө→5:Усны сан бүхий газар→ 50201001:, 50201002: -ийг идэвхижүүлж хилийн цэсийг газрын зураг дээр харах боломжтой.
санал өгсөн: 8
