АЙМГИЙН АРСЛАН ЦОЛТОЙ БӨХЧҮҮДЭД ХҮНДЭТГЭЛ ҮЗҮҮЛЭХ ХЭНТИЙ АЙМГИЙН ИРГЭДИЙН ТӨЛӨӨЛӨГЧДИЙН ХУРЛЫН НЭРЭМЖИТ ҮНДЭСНИЙ БӨХИЙН НЭЭЛТТЭЙ БАРИЛДААН ЗОХИОН БАЙГУУЛАГДЛАА.

Хэнтий аймгаас төрөн гарсан аймгийн Арслан цолтой бөхчүүдэд жил бүр уламжлал болгон 13 дахь жилдээ хүндэтгэл үзүүлэх үндэсний бөхийн барилдааныг зохион байгууллаа. Энэхүү Аймгийн иргэдийн Төлөөлөгчдийн Хурлын нэрэмжит 64 бөхийн нээлттэй барилдаан 2018 оны 2-р сарын 4-ний өдөр Аймгийн биеийн тамир спортын газар амжилттай болж өндөрлөв.

Барилдааныг Аймгийн иргэдийн Төлөөлөгчдийн Хурлын дарга Л.Батсайхан нээж, Хурлын төлөөлөгч, тэргүүлэгчид хүрэлцэн ирж сонирхлоо. Уг бөхийн барилдааныг өнгөрсөн жил буюу 2017 онд Арчдилсан шинэ үндсэн хуулийн 25 жилийн ойд зориулан Арслан цолтонгуудад хүндэтгэл үзүүлэх үндэсний бөхийн барилдааныг зохион байгуулж байсан бол энэ жилийн хувьд сар шинийн баярт зориулан зохион байгууллаа.

Барилдаанд Дэлгэрхаан сумын харъяат Аймгийн арслан Д.Аззаяа түрүүлж, Баянхутаг сумын харъяат Аймгийн арслан С.Ариунбилэг үзүүрлэн, Батширээт сумын харъяат Аймгийн арслан Б.Хадбаатар, Жаргалтхаан сумын харъяат Аймгийн арслан Ш.Отгонтөгс нар тус тус шөвгөрлөө.