МОНГОЛ УЛСЫН ЕРӨНХИЙ САЙД У.ХҮРЭЛСҮХ ХЭНТИЙ АЙМГААС АЖЛЫН АЙЛЧЛАЛАА
ЭХЭЛЛЭЭ...
МУ-ын Ерөнхий сайд Ухнаагийн Хүрэлсүхээр ахлуулсан ажлын хэсэг Хэнтий
аймагт ажиллалаа. Энэ үеэр аймгийн удридлагууд болон байгууллагын дарга нартай
уулзаж тулгамдсан зарим асуудлыг нь сонсож зарим асуудлыг газар дээр нь
шийдвэрлэлээ.
Тухайлбал аймгийн Хүнс, Хөдөө аж ахуйн газрын дарга Ж.Энх-Амгаланы: “Манай
аймаг сүүлийн 3 жил үр тариа алдсан гантай жил байлаа, 2600тн үр тариа хэрэгтэй
байна мөн өнгөрсөн жилүүдэд малын гоц
халдварт өвчин нилээдгүй их гарлаа, үүнтэй холбоотой голомтын ариутгалыг хийсэн.
Өнгөрсөн жил малын гоц халдварт малын галзуу өвчнийг 2 дахин, боом өвчний
гаралтыг 5 дахин бууруулан ажиллалаа.
260 голомтод газар ариутгалын машинаар ариутгал хийсэн.Энэхүү машин маань цааш
эдлэх боломжгүй болсон тул 2 ариутгалын машиныг аймгийн хэмжээнд шийдэж өгөхийг хүссэн” асуултанд Ерөнхий сайд газар дээр нь
шийдвэрлэж 2 ариутгалын машинийг өгөхөөр шийдвэрлэв.
Мөн аймгийн Нэгдсэн эмнэлэг болон Бэрх тосгонд түргэний машин нэн
шаардлагатай байгааг хүлээж аван 2 түргэний машиныг манай аймагт хувиарлалаа.
Цаашилбал 300 тн өвс,100 тн тэжээл үнэгүй олгож байсны дээр нь нэмж 100тн
тэжээлийг 50 хувийн хөнгөлттэй үнээр, 160 тн өвсийг үнэгүй олгохоор шийдвэрлэв.
