ЧИНГЭЛТЭЙ ДҮҮРГИЙН ИТХЫН ДАРГА Д.БАТ-ЭРДЭНЭ “НАНХУА” ИХ СУРГУУЛИЙН ДЭД ЗАХИРАЛ, ПРОФЕССОР ВАН И Ү-Г ХҮЛЭЭН АВЧ УУЛЗЛАА
Гадаад улс орныг зорьж сурч боловсрох хүсэл эрмэлзэлтэй залуучуудын тоо сүүлийн жилүүдэд эрс нэмэгдэж байгаа ч тэр болгон санхүүгийн боломж, нөхцөл нь бүрддэггүй. Энэ асуудлыг шийдвэрлэхээр Чингэлтэй дүүргийн Иргэдийн Төлөөлөгчдийн Хурал Тайваны Нанхуа их сургуультай хамтран “Тэтгэлэгтэй оюутан” хөтөлбөрийг хэрэгжүүлэхээр боллоо. 
Энэ ажлын хүрээнд дөрөвдүгээр сарын 3-ны өдөр Чингэлтэй дүүргийн Иргэдийн төлөөлөгчдийн Хурлын дарга Д.Бат-Эрдэнэ Нанхуа их сургуулийн дэд захирал, профессор Ван И Ү-г хүлээн авч уулзан боловсролын салбар, тэр дундаа ерөнхий боловсролын сургууль төгсөж буй сурагчдыг Нанхуа их сургуульд тэтгэлэгтэй суралцуулах талаар харилцан санал солилцлоо. 
Тус уулзалтад Хурлын Ажлын албаны дарга Ц.Алтанцацрал, Удирдлага, зохион байгуулалтын хэлтсийн дарга Ж.Ганбат, дүүргийн Боловсролын хэлтсийн дарга Ж.Байгалмаа, Нийгмийн Хөгжлийн хэлтсийн дарга Ням-Очир нар байлцлаа. 
Энэхүү хамтын ажиллагааны хүрээнд “Тэтгэлэгтэй оюутан” хөтөлбөрийг хэрэгжүүлснээр ирэх жил буюу 2019 онд Чингэлтэй дүүргийн 35 сурагч тэтгэлэгээр Тайван улсад суралцах боломж бүрдэж байгаа юм. Хөтөлбөрийн эхний шатанд ерөнхий боловсролын сургуулийн 12 дугаар анги төгсөж буй 100 сурагчийг англи хэлний сургалтанд хамруулж амжилттай суралцаж тэтгэлэг авах шалгуур хангасан 35 сурагчийг шалгаруулан олон улсын бизнесийн чиглэлээр бакалаврын хөтөлбөрт хамруулахаар уулзалтын үеэр ярилцаж тохиролцлоо.
Хэнтий аймгийн нутаг дэвсгэрт хамаарах усны сан бүхий газрын онцгой болон энгийн
хамгаалалтын бүсийн талбайн хэмжээ, хилийн зааг, унд ахуйн ус хангамжийн эх үүсвэрийн худгуудын эрүүл ахуйн хориглолтын болон хязгаарлалтын бүсийн талбайн хэмжээ, хилийн заагийг, усны сан бүхий газрын хамгаалалтын бүсэд давхацлын зөрчилтэй нэгж талбайн хэмжээ, эргэлтийн цэгийг тус тус батлахаар бэлтгэл ажлыг хангаж байгаа тул иргэд та бүхэн саналаа өгнө үү
Хамгаалалтын бүсийн хил заагийн мэдээллийг харах: Egazar.gov.mn цахим хаягаар орж Хэнтий аймгийн хилийг сонгоно. Аймаг\хот, цэснээс→Хэнтий, Сум\Дүүрэг цэснээс→сумын нэрийг сонгоход Давхаргууд цэс гарч ирнэ. Цэснээс→Төслийн шатны төлөвлөгөө→Аймгийн газар зохион байгуулалтын төлөвлөгөө→5:Усны сан бүхий газар→ 50201001:, 50201002: -ийг идэвхижүүлж хилийн цэсийг газрын зураг дээр харах боломжтой.
санал өгсөн: 8
