Сумдын иргэдийн Төлөөлөгчдийн Хурлын нарийн бичгийн дарга нар, аймгийн Хурлын ажлын албаны зарим албан хаагчдын хамт Удирдлагын Академийн Мэргэжил дээшлүүлэх институтын төлөвлөгөөт сургалтад хамрагдлаа. Сургалт 4 хоног үргэлжилсэн бөгөөд дадлага ажил, онол хосолсон ажил хэрэгч сургалт болсон байна.
Сургалтын агуулгад "иргэдийн Төлөөлөгчдийн хурлын шийдвэр, албан бичигт тавигдаж байгаа шаардлага, боловсруулалт, найруулга зүй, Хөгжлийн бодлого төлөвлөлт, Ажлын байрны шинжилгээ, Бодлогын баримт бичгийн боловсруулалт, үнэлгээ, Төсвийн ил тод байдал, хурлын байгууллагын хяналт, Ажлын байрны тодорхойлолт, Төрийн албаны шинэчлэл" сэдвүүдийг багтаасан байна. Энэ сургалтад Дорнод, Сүхбаатар, Баян-Өлгий аймгийн сумдын Хурлын нарийн бичгийн дарга нар хамт хамрагдсан нь нэг нэгнээсээ туршлага судлах, цаашдын хамтран ажиллах бололцоог нээсэн гэж үзэж байна.