2018 оны 5 дугаар сарын 04-ний өдөр иргэдийн
Төлөөлөгчдийн Хурлын даргаар ахлуулсан ажлын хэсэг Баянмөнх сумын Хэрлэн багт
ажиллаж малчин иргэдтэй уулзан Төрийн үйлчилгээг хүргэв.
Цаг агаарын нөхцөл байдал шороогоор шуурч таагүй байсан ч
ажлын хэсэг багуудад Төрийн үйлчилгээ болон аймаг орон нутгаас хэрэгжүүлж
байгаа мэдээллийг хүргэсээр байгаа юм.
Хэрлэн багийн хувьд малын бэлчээрийн асуудал, малчины
нийгмийн даатгалын талаар ихэнхдээ тодруулж байсан бол Баянмөнх сумын бүх багт
үүл буудуулах арга хэмжээг авч өгөхийг хүссэнд Санхүү төрийн сангийн хэлтсийн
дарга С.Нямдаваа хэлэхдээ: Аймгийн хэмжээнд үүл буудуулахад нийт 20 гаруй сая төгрөгийг төсөвлөсөн байгаа.
Энэхүү ажлыг хийгээд явж байгаа бөгөөд энэ нь нарийн тооцоо судалгаа
шаардлагатай, үүлний нягтрал зэргийг харж тохироо нь бүрдсэн үед үүл буудуулдаг гэлээ.