ТЭРГҮҮЛЭГЧИД ХУРАЛДАЖ, Ч.ШААРИЙБУУД БААТАР ЦОЛ НЭХЭН ОЛГУУЛАХААР ЕРӨНХИЙЛӨГЧИД ӨРГӨН МЭДҮҮЛЭВ

Хэнтий аймгийн иргэдийн Төлөөлөгчдийн Хурлын Тэргүүлэгчид 2018 оны 5 дугаар сарын 09-ны өдөр 81 хувийн ирцтэй, 2 хүн чөлөөтэйгөөр хуралдлаа.
Хуралдаанаар:
1. Галшар сумын харьяат, Монголын Ардын Армийн 6 дугаар морьт дивизийн захирагч Ч.Шаарийбуугийн мэндэлсний 110 жилийн ой, Халхын голын ялалтын 80 жилийн ойг угтан түүнийг Монгол Улсын “Баатар” цолоор нэхэн шагнуулахаар Монгол улсын Ерөнхийлөгчид өргөн мэдүүлэхээр,
2. Хэнтий аймгийн 95 жилийн ойг угтан эрхэлсэн ажилдаа амжилт гаргасан нэр бүхий 78 иргэнийг Монгол улсын Гавьяат цолтон, төрийн дээд одон медалиар шагнуулахаар Монгол улсын Ерөнхийлөгчид өргөн мэдүүлэхээр,
3. Мэргэжлийн хяналтын Ерөнхий газар, Цагдаагийн Ерөнхий газраас хүчингүй болгуулахаар ирүүлсэн санал, шаардлагыг хэлэлцэн мал хулгайлах гэмт хэрэгтэй тэмцэх, урьдчилан сэргийлэх ач холбогдолтой байгааг харгалзан "Мал, мах бэлтгэх гарал үүслийн гэрчилгээ"-г хэвээр мөрдүүлж, ХААХҮЯ болон Хуульзүйн яаманд энэ тухай тайлбар, хүсэлтээ албан бичгээр хүргүүлэхээр,
4. Хэнтий аймгийн хэмжээнд "Унадаг дугуй унах хөдөлгөөн"-ийг өрнүүлж, энэ чиглэлээр төр, хувийн хэвшлийн хамтын түншлэлийг өргөжүүлж, нийт иргэдэд унадаг дугуй унахыг уриалж, шийдвэр гаргав.
Мөн Төрийн Аудитын газрын Орон нутгийн өмчийн үр ашиг, ашиглалт, хадгалалт, хамгаалалт, бүртгэл, газрын болон хөрөнгийн дуудлага худалдааны явц, үр дүнгийн талаар хийсэн шалгалтын дүн, мэдээллийг сонсов.
Ирэх 6 дугаар сард зохион байгуулах Ахмадын байгууллагын аймгийн аварга шалгаруулах тэмцээнийг Хурлын даргын ивээл дор зохион байгуулахаар боллоо.
Хөдөө, төв нийлсэн аймгийн хэмжээний ганц баг болох Дэлгэрхаан сумын төвийн Аварга багийг талаар аймгийн Засаг даргаас ирүүлсэн саналыг аймгийн Хурлын хуралдаанд оруулж хэлэлцүүлэхээр тогтлоо.
Дэлгэрэнгүй мэдээллийг khentii.khural.mn сайтад байршуулах болно.