“НЭГ ГОЛЫН ХҮҮХДҮҮД” ТӨСЛИЙН ХҮРЭЭНД АЙМГИЙН ЕБС-Д НЭЭЛТТЭЙ ХИЧЭЭЛИЙГ ЯВУУЛЛАА
Хүүхдүүдэд байгаль орчноо хайрлах, хамгаалах үзэл төлөвшүүлэх зорилгоор “Нэг голын хүүхдүүд” төслийн хүрээнд аймгийн ерөнхий боловсролын сургуулиудад нээлттэй хичээлийг явууллаа. Улсын Тэргүүний 8-р сургуулийн нээлттэй хичээлд аймгийн иргэдийн Төлөөлөгчдийн Хурлын дарга Л.Хишигтогтох оролцсон юм. Тус сургуулийн 6а ангийн сурагчдад аймгийн иргэдийн Төлөөлөгчдийн Хурлын дарга Л.Хишигтогтох, сургалтын менежер Г.Анхжаргал байгал эх дэлхий, уул ус, гол мөрнөө хайрлан хамгаалах сэдвээр нээлттэй хичээлийг явуулж, сурагчидтай харилцан ярилцлаа.
Сурагчид хичээлд идэвхтэй оролцож, багшийн асуусан асуултад нээлттэй хариулж байгаль орчноо хайрлан хамгаалах талаарх мэдлэгээ нэмэгдүүллээ.
Нээлттэй хичээл Хэрлэн сумын 1, 2, 5, 8, 11, 12 дүгээр сургууль, Шинэ хөгжил сургууль, Хан-Уул цогцолбор сургууль, болон аймгийн Баянтүмэн, Булган, Чойбалсан, Хөлөнбуйр сумын ЕБС-ын сургуулиудад зохион байгуулагдсан юм
Хэнтий аймгийн нутаг дэвсгэрт хамаарах усны сан бүхий газрын онцгой болон энгийн
хамгаалалтын бүсийн талбайн хэмжээ, хилийн зааг, унд ахуйн ус хангамжийн эх үүсвэрийн худгуудын эрүүл ахуйн хориглолтын болон хязгаарлалтын бүсийн талбайн хэмжээ, хилийн заагийг, усны сан бүхий газрын хамгаалалтын бүсэд давхацлын зөрчилтэй нэгж талбайн хэмжээ, эргэлтийн цэгийг тус тус батлахаар бэлтгэл ажлыг хангаж байгаа тул иргэд та бүхэн саналаа өгнө үү
Хамгаалалтын бүсийн хил заагийн мэдээллийг харах: Egazar.gov.mn цахим хаягаар орж Хэнтий аймгийн хилийг сонгоно. Аймаг\хот, цэснээс→Хэнтий, Сум\Дүүрэг цэснээс→сумын нэрийг сонгоход Давхаргууд цэс гарч ирнэ. Цэснээс→Төслийн шатны төлөвлөгөө→Аймгийн газар зохион байгуулалтын төлөвлөгөө→5:Усны сан бүхий газар→ 50201001:, 50201002: -ийг идэвхижүүлж хилийн цэсийг газрын зураг дээр харах боломжтой.
санал өгсөн: 19
