НҮБХАС-ийн Жендэрийн мэргэжилтэн Б.Оюун, ЭМЯ-ны мэргэжилтэн Д.Байгалмаа, Хүчирхийллийн эсрэг үндэсний төвийн сургагч багш зэрэг албаны хүмүүс Хэнтий аймгийн удирдлагуудтай уулзан Хүчирхийллийн хохирогчдод үйлчилгээ үзүүлэх “Нэг цэгийн үйлчилгээний төв”-ийг байгуулах асуудлаар орон нутгийн саналыг сонсон ярилцлаа.

Энэ үеэр уг төвийг байгуулахад шаардагдах засвар үйлчилгээний болон ажилтны цалин, үйл ажиллагааны, урсгал гэх мэтчилэн 4 зардлыг орон нутгийн төсөвт суулгаж өгөхийг хүсч байв.

Үүний дараа иргэдийн Төлөөлөгчдийн Хурлын дэргэдэх Аймагт Гэмт хэргээс урьдчилан сэргийлэх ажлыг зохицуулах салбар зөвлөлийн гишүүд болон уг төвийн үйл ажиллагаанд тэргүүлэх үүрэгтэй оролцох Эрүүл мэнд, Нийгмийн хамгаалал, Боловсролын байгууллагын удирдлагуудад нэгдсэн ойлголт, мэдлэг олгох сургалт зохион байгууллаа.

Сургалтаар Хүчирхийллийн хохирогчдод үзүүлэх эрүүл мэндийн үйлчилгээ, ГХУСАЗСЗ-ийн гэр бүлийн хүчирхийлэлтэй тэмцэх чиглэлээр барьж буй бодлого, ГБХ-ийн мөн чанар, хүчирхийлэл үйлдэгч, хохирогчийн сэтгэл зүйн талаар мэдлэг мэдээлэл олголоо.