Тогтвортой амжиргаа-3 төслөөс  ОНХС-ийн төлөвлөлтийн үйл ажиллагаанд олон нийтийн оролцоог нэмэгдүүлэх шинэлэг санаачлага төслийн хүрээнд   2018 оны 05 сарын 16-18 ны өдрүүдэд Дундговь аймгийн Эрдэнэдалай сумын отрын нутагт нутаглаж байгаа малчдад бүсчлэлд төрийн үйлчилгээ үзүүлэх, багийн иргэдийн нийтийн хурлыг зохион байгуулах, малчин иргэдтэй уулзах уулзалтанд аймгийн ИТХ-ын дарга С.Сүхбаатар оролцлоо. Аймгийн чадавх бэхжүүлэх багийн гишүүд, Нэгдсэн эмнэлгийн эхо дотор мэдрэлийн их эмч нар, Төв халхын дуулалт жүжгийн театрын уран бүтээлчид, ХХААГ Хууль эрх туслалцаа үзүүлэх өмгөөлөгч, УБХэлтэс, Татварын хэлтэс НДХ зэрэг байгууллагуудын төлөөлөл бүхий 26 хүний бүрэлдэхүүнтэй төслийн баг хамт олон малчдад өөр өөрийн чиглэлийн үйлчилгээг үзүүлж ажиллалаа. Энэ үеэр малчдад ОНХСанийн ажиллагаа иргэн таны оролцоо сум аймгийн хөгжлийн бодлогын талаар мэдээлэл хүргэн гарын авлага тараан ажилласан. Уг арга хэмжээнд 250 гаруй малчин иргэд хамрагдлаа.