1850-аад оны Кримийн дайнд ажиллаж байсан өнөөгийн сувилахуйн шинжлэх ухааныг үндэслэгч Английн сувилагч Флоренсе Найтингелийн төрсөн өдрийг тохиолдуулан дэлхийн улс орнууд 1965 оноос эхлэн “Олон улсын сувилагчийн өдөр”-ийг тэмдэглэж иржээ.
Сувилахуй гэдэг нь энэрэх, халамжлах гэсэн үгнээс үүссэн бөгөөд
сувилгааны үйл ажиллагаа нь үйлчлүүлэгийн биеийн байдлыг үнэлэх,
оношлох, төлөвлөх, хэрэгжүүлэх, дүгнэх гэсэн таван шатлалаас бүрдэнэ.
Сувилагч хүний мэдлэгийг зайлшгүй байх мэдлэг, хэрэгтэй мэдлэг, мэдэхэд
илүүдэхгүй мэдлэг, чадварыг гардан хийх чадвар, шийдвэр гаргах,
харилцах, хамтран ажиллах чадвар гэж, хандлагыг туслах чин эрмэлзлэл,
энэрэнгүй сэтгэл, чин сэтгэлээсээ хандах хандлага гэж ангилдаг байна.
Энэхүү баярыг сумын эрүүл мэндийн төв ЗДТГазартай хамтран тэмдэглэн өнгөрүүллээ. Энэ үеэр сумын Засаг дарга бөгөөд аймгийн ИТХ-ын Төлөөлөгч М.Болд хүн ардын эрүүл мэндийн манаанд өдөр шөнийг үл хамааран сэтгэл гарган ажиллаж байгаа сувилагч нарт хүндэтгэл үзүүллээ
