ЧИНГЭЛТЭЙ ДҮҮРГИЙН ТӨСВИЙН БОЛОН УРСГАЛ ЗАРДЛЫН ХӨРӨНГӨӨР ХИЙСЭН БҮТЭЭН БАЙГУУЛАЛТ, ХӨРӨНГӨ ОРУУЛАЛТЫН АЖЛУУДТАЙ ТАНИЛЦЛАА
Чингэлтэй дүүргийн Иргэдийн Төлөөлөгчдийн Хурлын Төсвийн зарцуулалтын хяналтын хорооны дарга С.Мөнгөнсар, хорооны гишүүд Б.Батхуяг, С.Отгонсүрэн, О.Есөнтөмөр, Ш.Батсүрэн болон дүүргийн Засаг даргын Тамгын газрын холбогдох хэлтэс, албадын мэргэжилтнүүдийн бүрэлдэхүүнтэй зургаадугаар сарын 21-22-ны өдрүүдэд батлагдсан төлөвлөгөөний дагуу дүүргийн төсвийн хөрөнгө болон урсгал зардлын хөрөнгөөр 2017 он болон он дамжин хийсэн бүтээн байгуулалт, хөрөнгө оруулалтын ажлуудыг газар дээр нь үзэж танилцав. 
Тус ажлын хүрээнд: Хот тохижилт, дэд бүтцийн чиглэлээр 16, 17, хороодын тоглоомын талбай, Чингэлтэй хайлаастыг холбосон булгийн тохижилтын ажил, 13, 14,15 дугаар хороодын овооны тохижилт болон 7, 10 дугаар хороодын авто зам ын ажлууд, 12, 14, 16 дугаар хороодод барьсан зөөврийн болон гүний худаг барих ажлуудтай тус тус танилцлаа. Иргэд, хүүхэд, залуучууд, ахмад настанд зориулсан хөгжлийн төв, спорт заал барих ажлын хүрээнд: 19 дүгээр хорооны Ахмадын хөгжлийн төв ашиглалтад ороход бэлэн болсон бөгөөд 14 дүгээр хороонд баригдах заалны суурийн ажил хийгдэж, энэ ондоо багтаан ашиглалтанд оруулах төлөвлөгөөтэй байна.
Чингэлтэйн боловсрол хөтөлбөрийн хүрээнд: 126 дугаар цэцэрлэгийн нэмэлт бүлэг, 72 дугаар сургуулийн урлаг заалны засвар, юниматын кабинет тохижуулах ажлуудтай тус тус танилцаж цэцэрлэгийн эрхлэгч, сургуулийн захирал болон багш нартай уулзаж санал солилцсон юм. 72 дугаар сургуульд юнимат танхимаар дунд болон ахлах ангийн эрэгтэй сурагчдад сонирхлынх нь дагуу дугуйлан хичээллэдэг юм байна. Мөн энэ онд Морин хуурын дугуйлан нэмж хичээллүүлэхээр болж, сургуулийн орчмын авто зам дагуу 236 метр замын хайс, хашлага хийж хүүхдүүдийн замын хөдөлгөөнд илүү аюулгүй оролцох орчин бүрдүүлэн ажиллахаар зорьж байна. 
Хэнтий аймгийн нутаг дэвсгэрт хамаарах усны сан бүхий газрын онцгой болон энгийн
хамгаалалтын бүсийн талбайн хэмжээ, хилийн зааг, унд ахуйн ус хангамжийн эх үүсвэрийн худгуудын эрүүл ахуйн хориглолтын болон хязгаарлалтын бүсийн талбайн хэмжээ, хилийн заагийг, усны сан бүхий газрын хамгаалалтын бүсэд давхацлын зөрчилтэй нэгж талбайн хэмжээ, эргэлтийн цэгийг тус тус батлахаар бэлтгэл ажлыг хангаж байгаа тул иргэд та бүхэн саналаа өгнө үү
Хамгаалалтын бүсийн хил заагийн мэдээллийг харах: Egazar.gov.mn цахим хаягаар орж Хэнтий аймгийн хилийг сонгоно. Аймаг\хот, цэснээс→Хэнтий, Сум\Дүүрэг цэснээс→сумын нэрийг сонгоход Давхаргууд цэс гарч ирнэ. Цэснээс→Төслийн шатны төлөвлөгөө→Аймгийн газар зохион байгуулалтын төлөвлөгөө→5:Усны сан бүхий газар→ 50201001:, 50201002: -ийг идэвхижүүлж хилийн цэсийг газрын зураг дээр харах боломжтой.
санал өгсөн: 8
