Монголын Ахмадын байгууллага иргэддээ үйлчилдэг ТББ болж
үүсэн хөгжсөний 30 жилийн ой энэ онд тохиож байна.
Тэгвэл энэхүү Аймгийн ахмадын аварга шалгаруулах
тэмцээнийг Хэнтий аймгийн иргэдийн Төлөөлөгчдийн Хурлын ивээл дор зохион
байгуулж, тэмцээнийг 3 төрөлд явуулахаар төлөвлөсөн бөгөөд өнөөдөр Чингисийн
талбайд нээлтээ хийлээ.
Энэ үеэр нийт 15 сумын 200 гаруй ахмадууд хуран цуглаж
Аймгийн иргэдийн Төлөөлөгчдийн Хурлын дарга болон Засаг даргатай уулзаж санал
бодлоо солилцсон юм.
Мөн энэ үеэр Хөдөлмөр халамжийн үйлчилгээний газраас
Нийгмийн халамжийн хууль тогтоомжийн талаар,
Эрүүл мэнд, Нийгмийн даатгалын хэлтсээс Тэтгэвэр тэтгэмжийн тухай ахмадуудаа
танилцуулж ажиллалаа.
Маргааш буюу 2018 оны 6-р сарын 27ноос эхлэн Нийтийн
бүжиг /хосоор/, Хийн дасгал /багаар/, Явган аялал /багаар/ зэрэг тэмцээнүүд
явагдаж сум сумаас хүрэлцэн ирсэн ахмадууд маань нөхөрсөгөөр өрсөлдөх ажээ.
