“ХҮРЭЭЛЭН БАЙГАА ОРЧНЫ ЭСРЭГ ГЭМТ ХЭРГЭЭС УРЬДЧИЛАН СЭРГИЙЛЭХЭД ХАМТЫН АЖИЛЛАГААГ БЭХЖҮҮЛЭХ НЬ” СЭДЭВТ ЗӨВЛӨГӨӨН УЛААНБААТАР ХОТНОО ЗОХИОН БАЙГУУЛАГДЛАА

Хүрээлэн байгаа орчны эсрэг гэмт хэргээс урьдчилан сэргийлэх Дэд зөвлөл, Дэлхийн Байгаль хамгаалах сан /WWF/-ийн Монгол дахь хөтөлбөрийн газар, хамтран “Хүрээлэн байгаа орчны эсрэг гэмт хэргээс урьдчилан сэргийлэхэд хамтын ажиллагааг бэхжүүлэх нь” сэдэвт зөвлөгөөн боллоо.

Энэхүү зөвлөгөөний зорилго нь хүрээлэн байгаа орчны эсрэг гэмт хэргээс урьдчилан сэргийлэх ажлыг улс орон даяар сурталчилж, аймаг, нийслэлийн Гэмт хэргээс урьдчилан сэргийлэх ажлыг зохицуулах салбар зөвлөл бусад оролцогч талуудыг орон нутгийн түвшинд хүрээлэн байгаа орчны эсрэг гэмт хэрэг, зөрчлөөс урьдчилан сэргийлэх, түүний илрүүлэлт, шийдвэрлэлтийг сайжруулах, холбогдох байгууллагуудын хамтын ажиллагааг бэхжүүлэх юм.

Зөвлөгөөнд Хууль зүй, дотоод хэргийн яам, Байгаль орчин, аялал жуулчлалын яам, Уул уурхай, хүнд үйлдвэрийн яам, Улсын ерөнхий прокурорын газар, Цагдаагийн ерөнхий газар, Хил хамгаалах ерөнхий газар, Шүүхийн ерөнхий зөвлөл, Гаалийн ерөнхий газар, Мэргэжлийн хяналтын ерөнхий газар, Нийслэлийн байгаль орчны газар болон аймаг, нийслэлийн ИТХ-ын дарга, ГХУСАЗСЗ-ийн гишүүд оролцсон ба Хэнтий аймагт Гэмт хэргээс урьдчилан сэргийлэх ажлыг зохицуулах салбар зөвлөлийн дарга, ИТХ-ын дарга Л.Батсайхан “Хүрээлэн буй Байгаль орчны гэмт хэрэг зөрчлөөс урьдчилан сэргийлэх талаар хэрэгжүүлж байгаа арга хэмжээ, туршлага, тулгамдаж буй асуудал, санал” сэдвээр илтгэл хийсэн юм.