Хан Хэнтий нутаг бол аргамаг хурдан хүлгүүд нь агтны манлайд хурдалж,
аварга хүчит эрчүүд нь төрийн наадмыг
магнайлж, алдарт мэргэн харваачид
нь ончтой байж, эрийн гурван наадмаа
өнгөлж, өртөөлж ирсэн суутны өлгий нутаг.
Монгол хэмээх их гүрэн улсын олон мянганыг цог золбоо төгөлдөр
туулж ирсэн гайхамшигт түүх, дахин давтагдахгүй урлаж бүтээсэн
өв, соёл, ирээдүйд түүчээлэн үлдээх уламжлал зан заншил нь хөдөө,
хотгүй Монгол наадмаар илэрхийлэгдэж, омог, бахархлыг төрүүлж байдаг учиртай.
Мянганы суут хүн, эзэн
Чингис хааны мэндэлсэн, хаад, хатдын өлгий нутгийн ажилсаг бүтээлч, элэгсэг,
зочломтгой хүн ард зоны минь хүлэг нь хурдтай,
хүчтэн нь бяртай, харваач нь оноотой сайхан наадамлаж Хан Хэнтий нутгийн
түүхт 95 жилийн ойн баяр наадам өнгөтэй сайхан болж өндөрлөлөө.