ХУДАЛДАА ҮЙЛЧИЛГЭЭНИЙ НИЙТЛЭГ ЖУРМЫН ХЭЛЭЛЦҮҮЛЭГ ЧИНГЭЛТЭЙ ДҮҮРЭГТ ЗОХИОН БАЙГУУЛАГДАВ
Чингэлтэй дүүргийн Иргэдийн Төлөөлөгчдийн Хурал, Засаг даргын Тамгын газартай хамтран наймдугаар сарын 14-ны өдөр “Нийслэлийн худалдаа, үйлчилгээний нийтлэг журам”-ыг шинэчлэн боловсруулж байгаатай холбогдуулан Чингэлтэй дүүрэгт үйл ажиллагаа эрхэлдэг аж ахуйн нэгж, иргэд, түргэн үйлчилгээний цэг болон зөвшөөрөлтэйгээр нийтийн эзэмшлийн гудамж, талбайд худалдаа үйлчилгээ эрхлэгчид, СӨХ, 1-19 дүгээр хороодын иргэдийн төлөөлөлд журмын төслийг танилцуулах, санал авах хэлэлцүүлэг зохион байгууллаа. 
Хэлэлцүүлэгт Чингэлтэй дүүргийн Засаг даргын орлогч Ж.Лхагвасүрэн, ИТХ-ын Иргэний оролцоо, олон нийттэй харилцах хэлтсийн дарга Т.Уламбаяр, Хүнс, Худалдаа үйлчилгээний хэлтсийн дарга Д.Булган, холбогдох хэлтэс албад, сургуулиудын удирдах албан тушаалтан, зөвшөөрөлтэйгээр нийтийн эзэмшлийн гудамж, талбайд худалдаа үйлчилгээ эрхлэгчдийн төлөөлөл 200 гаруй иргэд оролцлоо. 
Хэлэлцүүлгийг дүүргийн Засаг даргын орлогч Ж.Лхагвасүрэн удирдаж, Хүнс, Худалдаа үйлчилгээний хэлтсийн дарга Д.Булган “Нийслэлийн худалдаа, үйлчилгээний нийтлэг журам”-ын төслийг танилцуулав. Хэлэлцүүлгийн үеэр гарсан Журмын төсөл дээр иргэдийн санал хүсэлтийг хүлээн авч нэгтгэн нийслэлийн ИТХ-д уламжлахаар боллоо. 
Энэхүү журам нь нийтийн эрх зүйн хүрээнд нутгийн өөрөө удирдах байгууллагын эрх мэдлийг хэрэгжүүлэн, худалдаа үйлчилгээ эрхлэгчдийн эрх, үүрэг, хариуцлагыг тодорхойлж, нийслэлийн нутгийн захиргааны байгууллагаас хамтран ажиллах гэрээ байгуулах, бүртгэлжүүлэх, мөн хяналт тавих замаар худалдаа үйлчилгээ эрхлэгчидтэй харилцан хамтран ажиллах зорилготой юм.
Хэнтий аймгийн нутаг дэвсгэрт хамаарах усны сан бүхий газрын онцгой болон энгийн
хамгаалалтын бүсийн талбайн хэмжээ, хилийн зааг, унд ахуйн ус хангамжийн эх үүсвэрийн худгуудын эрүүл ахуйн хориглолтын болон хязгаарлалтын бүсийн талбайн хэмжээ, хилийн заагийг, усны сан бүхий газрын хамгаалалтын бүсэд давхацлын зөрчилтэй нэгж талбайн хэмжээ, эргэлтийн цэгийг тус тус батлахаар бэлтгэл ажлыг хангаж байгаа тул иргэд та бүхэн саналаа өгнө үү
Хамгаалалтын бүсийн хил заагийн мэдээллийг харах: Egazar.gov.mn цахим хаягаар орж Хэнтий аймгийн хилийг сонгоно. Аймаг\хот, цэснээс→Хэнтий, Сум\Дүүрэг цэснээс→сумын нэрийг сонгоход Давхаргууд цэс гарч ирнэ. Цэснээс→Төслийн шатны төлөвлөгөө→Аймгийн газар зохион байгуулалтын төлөвлөгөө→5:Усны сан бүхий газар→ 50201001:, 50201002: -ийг идэвхижүүлж хилийн цэсийг газрын зураг дээр харах боломжтой.
санал өгсөн: 8
