Хан Хэнтийчүүд ээ!

            Жил бүрийн 9 дүгээр сарын эхэнд Улс төрийн хилс хэрэгт хэлмэгдэгсдийн дурсгалыг хүндэтгэдэг билээ.
Энэ жил аймгийн иргэдийн Төлөөлөгчдийн Хурал, Хэрлэн сумын иргэдийн Төлөөлөгчдийн Хурал хамтран 09 дүгээр сарын 07-ны өдрийн 11:30 цагт Хэлмэгдэгсдийн дурсгалыг хүндэтгэх талбайд эл өдрийг тэмдэглэнэ.
          Дурсгалыг хүндэтгэх өдрийн цуглааны үйл ажиллагаанд хэлмэгдэгсдийн үр хүүхэд, хамаатан, садангууд, аймаг, сумаас сонгогдсон иргэдийн Төлөөлөгчдийн Хурлын Төлөөлөгчид, төр захиргааны ажилтнууд, аймаг, сумын ЦАУЗБСК-ийн гишүүд, Хэрлэн сумын багийн удирдлага, зохион байгуулагчид, нийгмийн ажилтнууд, Гүндүгаварлин, Шадавдаржаалин хийдийн лам хуврагууд, хүндэтгэл үзүүлэн оролцох юм.
           Мөн энэхүү өдрийг сумдын иргэдийн Төлөөлөгчдийн Хурал, Засаг даргын Тамгын газар хамтран энэ өдрүүдэд өөрсдийн төлөвлөсөн хөтөлбөрийн дагуу зохион байгуулах бөгөөд улс төрийн хилс хэрэгт хэлмэгдэгчдийг цагаатгах, тэдэнд нөхөх олговор олгох тухай хуулийн өөрчлөлтийн тайлбарлан таниулах юм.
            Энэ жил аймгийн Цагаатгах ажлыг удирдан зохион байгуулах салбар комисс, төв комисстой хамтран 12 иргэний хүсэлт өргөдлийг хүлээн авч 5 иргэнд нөхөх олговорыг олгосон бөгөөд Дадал сумын комисст хэлмэгдэгсдэд зориулан босгосон "Язгуурын 3 суварга" засварлахад зориулж 1 сая төгрөгийн дэмжлэг үзүүлэв.