Хүмүүнлэгийн үнэ цэнийг дээдэлсэн хүнлэг, энэрэнгүй нийгмийг хөгжүүлэхэд хувь нэмрээ оруулдаг Хэнтий аймгийн  Улаанзагалмайн хороо байгуулагдсаны 60 жилийн ойн баяр өнөөдөр тохиож урилгаар Аймгийн иргэдийн Төлөөлөгчдийн Хурлын дарга оролцож баярын мэндчилгээ дэвшүүллээ.

Хүмүүнлэгийн үнэ цэнийг дээдэлсэн хүнлэг энэрэнгүй нийгмийг хөгжүүлэхэд хувь нэмрээ оруулан ажиллаж байгаа Хүмүүнлэгийн үндэсний сүлжээ байгууллага болох аймгийн Улаанзагалмайн хороо нь 5063 гишүүд дэмжигчид, 100 гаруй сайн дурынхан, 1000 гаруй Өсвөрийн болон Залуучуудын Улаан загалмайчид, 587 Онцгой гишүүд, 30 гаруй гишүүн байгууллагыг эгнээндээ нэгтгэсэн томоохон Хөдөлгөөн болж чаджээ.

Баярын хурлаар АИТХ-ын дарга Хүний амь нас, эрүүл мэндийг хамгаалж, хүн бүрийг хүндэтгэн хамгаалах, зовлон шаналалыг нь хөнгөвчилж, тус дэм болдог гэгээн үйлсийг нь үнэлж Аймгийн иргэдийн Төлөөлөгчдийн Хурлын шагнал “Тэргүүний төлөөлөгч” тэмдгээр Баян-Овоо сумын ЭМТ-ийн ахмад ажилтан Д.Дунгаамаа, “Сүлд” тэмдгээр аймгийн НЭ-ийн сувилагч Д.Адъяасүрэн, Галшар сумын малчин Г.Балдандорж, Хурлын даргын “Хүндэтгэл” мөнгөн шагналаар Баянхутаг сумын Эрүүл мэндийн төвийн эмч У.Баяраа, Өмнөдэлгэр сумын ИТХ-ын нарийн бичгийн дарга Т.Бэрцэцэг нарыг тус тус шагнан урамшууллаа.