ДҮҮРГИЙН ЭДИЙН ЗАСАГ, НИЙГМИЙГ 2018 ОНД ХӨГЖҮҮЛЭХ ҮНДСЭН ЧИГЛЭЛИЙН БИЕЛЭЛТИЙГ ДҮГНЭВ
Чингэлтэй дүүргийн ИТХ-ын хороод Дүүргийн эдийн засаг, нийгмийг 2018 онд хөгжүүлэх үндсэн чиглэлийн хэрэгжилтийг дүгнэж, дүүргийн эдийн засаг, нийгмийг 2019 онд хөгжүүлэх үндсэн чиглэлийн төсөлтэй эрхлэх асуудлынхаа хүрээнд хуваарийн дагуу хуралдаж санал дүгнэлтээ гаргаж байна. Өнөөдөр буюу арваннэгдүгээр сарын 22-ны өдөр Хот байгуулалт, үйлдвэрлэл үйлчилгээ гэр хорооллын хөгжлийн хороо дүүргийн Хурлын танхимд хуралдав. Хурлаар эрхлэх асуудлынхаа хүрээнд Засаг даргын Тамгын газраас ”Жишиг төлөвлөлт-Дэд бүтцийн хөгжил”, “Жаргалтай орчин-Ногоон хөгжил” бүлгийн хүрээнд 2018 онд хийж хэрэгжүүлсэн ажлыг хэлэлцэн дүгнэж, дүүргийн эдийн засаг, нийгмийг 2019 онд хөгжүүлэх үндсэн чиглэлийн төсөлтэй танилцаж санал дүгнэлтээ гаргалаа. 
Хуралд тус хорооны дарга Б.Насанбат, гишүүд Төлөөлөгч Ц.Дуламжав, Т.Идэрцагаан, Д.Отгонбаатар, Ч.Болормаа, Ш.Батсүрэн, ИТХ-ын Тэргүүлэгчдийн нарийн бичгийн дарга бөгөөд ажлын албаны дарга Ц.Алтанцацрал болон холбогдох хэлтэс албадын дарга нар оролцов. Хурлын хорооны гишүүд, Төлөөлөгчид Засаг даргын Тамгын газраас 2018 онд ”Жишиг төлөвлөлт-Дэд бүтцийн хөгжил”, “Жаргалтай орчин-Ногоон хөгжил” бүлгийн хүрээнд хийж хэрэгжүүлсэн ажлын биелэлтийг “БҮРЭН ХАНГАЛТТАЙ” гэж дүгнээд, дүүргийн эдийн засаг, нийгмийг 2019 онд хөгжүүлэх үндсэн чиглэлийн төслийг Иргэдийн Төлөөлөгчдийн хурлын ээлжит хуралдаанаар хэлэлцүүлэхийг гишүүдийн 100 хувийн саналаар дэмжив.ХОТ БАЙГУУЛАЛТ, ҮЙЛДВЭРЛЭЛ ҮЙЛЧИЛГЭЭ, ГЭР ХОРООЛЛЫН ХӨГЖЛИЙН ХОРОО
Хэнтий аймгийн нутаг дэвсгэрт хамаарах усны сан бүхий газрын онцгой болон энгийн
хамгаалалтын бүсийн талбайн хэмжээ, хилийн зааг, унд ахуйн ус хангамжийн эх үүсвэрийн худгуудын эрүүл ахуйн хориглолтын болон хязгаарлалтын бүсийн талбайн хэмжээ, хилийн заагийг, усны сан бүхий газрын хамгаалалтын бүсэд давхацлын зөрчилтэй нэгж талбайн хэмжээ, эргэлтийн цэгийг тус тус батлахаар бэлтгэл ажлыг хангаж байгаа тул иргэд та бүхэн саналаа өгнө үү
Хамгаалалтын бүсийн хил заагийн мэдээллийг харах: Egazar.gov.mn цахим хаягаар орж Хэнтий аймгийн хилийг сонгоно. Аймаг\хот, цэснээс→Хэнтий, Сум\Дүүрэг цэснээс→сумын нэрийг сонгоход Давхаргууд цэс гарч ирнэ. Цэснээс→Төслийн шатны төлөвлөгөө→Аймгийн газар зохион байгуулалтын төлөвлөгөө→5:Усны сан бүхий газар→ 50201001:, 50201002: -ийг идэвхижүүлж хилийн цэсийг газрын зураг дээр харах боломжтой.
санал өгсөн: 8
