ТӨРИЙН АЛБАН ХААГЧИЙН ЁС ЗҮЙ, ХАРИЛЦАА ХАНДЛАГЫГ ШИНЭ ШАТАНД ГАРГАХ ЦОГЦ ХӨТӨЛБӨР БОЛОВСРУУЛНА
Чингэлтэй дүүргийн Иргэдийн Төлөөлөгчдийн Хурлын Ёс зүй, өргөдлийн хорооны есдүгээр хуралдаан хуралдаж дүүргийн эдийн засаг, нийгмийг 2018 онд хөгжүүлэх үндсэн чиглэлийн биелэлт, дүүргийн эдийн засаг, нийгмийг 2019 онд хөгжүүлэх үндсэн чиглэлийн төслийг хэлэлцлээ. Хуралдаанд хорооны гишүүд С.Амарбаясгалан, Д.Мөнхтөр, Д.Мөнхчулуун, З.Бямбажав, Төлөөлөгч Д.Отгонбаатар, ИТХ-ын Тэргүүлэгчдийн нарийн бичгийн дарга бөгөөд ажлын албаны дарга Ц.Алтанцацрал, Удирдлага, зохион байгуулалтын хэлтсийн дарга Ж.Ганбат, Иргэний оролцоо, олон нийттэй харилцах хэлтсийн дарга Т.Уламбаяр, Засаг даргын Тамгын газрын Төрийн захиргааны удирдлагын хэлтсийн дарга О.Нямбат, Хөгжлийн бодлого, төлөвлөлт, хамтын ажиллагааны хэлтсийн дарга Б.Нацагдорж нар оролцов.
Төрийн захиргааны удирдлагын хэлтсийн дарга О.Нямбат дүүргийн Ёс зүй, өргөдлийн хорооны 2018 оны тайлан, өргөдөл гомдлийн шийдвэрлэлтийн байдлыг танилцууллаа. Хуралдааны үеэр Ёс зүй, өргөдлийн хорооны гишүүд ёс зүйн алдаа дутагдал гаргасан төрийн албан хаагчдын асуудлыг хэрхэн шийдвэрлэх талаар саналаа хэлж цаашид ёсзүйн зөрчил гаргасан албан хаагчдад оногдуулах сахилга, хариуцлагын талаар нэгдсэн цогц хөтөлбөр гарган ажиллах чиглэл өглөө. 
Дүүргийн эдийн засаг, нийгмийг 2019 онд хөгжүүлэх үндсэн чиглэлд Ёс зүй, өргөдлийн хорооны хариуцах асуудлын хүрээнд төрийн албан хаагчдын баримтлах ёс зүйн дүрмийн хэрэгжилтийг хангуулах, ёс зүйн зөрчлөөс урьдчилан сэргийлэх төлөвлөгөө гарган, хэрэгжилтийг ханган ажиллах талаар тусгагдсан бөгөөд гишүүдийн 100 хувийн саналаар Иргэдийн Төлөөлөгчдийн хурлын ээлжит хуралдаанаар хэлэлцүүлэхийг дэмжив. 
Төрийн албаны тухай шинэчилсэн хууль 2019 оны нэгдүгээр сараас эхлэн хэрэгжихтэй холбогдуулан дагалдан гарах дүрэм журамд нийцүүлэн төрийн жинхэнэ албан хаагчдын ёс зүй, харилцаа хандлагыг шинэ шатанд гаргахад чиглэн Засаг даргын Тамгын газраас батлагдан гарах дүрэм, журамд хариуцлагын тогтолцоог нарийн тусгах талаар гишүүд Засаг даргын Тамгын газарт чиглэл болголоо. Төрийн албан хаагчийн ёс зүй, харилцаа хандлагыг шинэ шатанд гаргах цогц хөтөлбөр батлагдсанаар төрийн үйлчилгээ үзүүлж буй төрийн албан хаагчдын харилцаа, хандлага хариуцлагын тогтолцоо нарийсч, улмаар хүнд суртал, авилга, албан тушаалаа хэтрүүлэн ашиглах зэрэг зөрчил дутагдал арилах юм. ИТХ-ЫН ЁС ЗҮЙ ӨРГӨДЛИЙН ХОРОО
Хэнтий аймгийн нутаг дэвсгэрт хамаарах усны сан бүхий газрын онцгой болон энгийн
хамгаалалтын бүсийн талбайн хэмжээ, хилийн зааг, унд ахуйн ус хангамжийн эх үүсвэрийн худгуудын эрүүл ахуйн хориглолтын болон хязгаарлалтын бүсийн талбайн хэмжээ, хилийн заагийг, усны сан бүхий газрын хамгаалалтын бүсэд давхацлын зөрчилтэй нэгж талбайн хэмжээ, эргэлтийн цэгийг тус тус батлахаар бэлтгэл ажлыг хангаж байгаа тул иргэд та бүхэн саналаа өгнө үү
Хамгаалалтын бүсийн хил заагийн мэдээллийг харах: Egazar.gov.mn цахим хаягаар орж Хэнтий аймгийн хилийг сонгоно. Аймаг\хот, цэснээс→Хэнтий, Сум\Дүүрэг цэснээс→сумын нэрийг сонгоход Давхаргууд цэс гарч ирнэ. Цэснээс→Төслийн шатны төлөвлөгөө→Аймгийн газар зохион байгуулалтын төлөвлөгөө→5:Усны сан бүхий газар→ 50201001:, 50201002: -ийг идэвхижүүлж хилийн цэсийг газрын зураг дээр харах боломжтой.
санал өгсөн: 8
