“Оюунлаг Хэнтийчүүдийг олноор бий болгох, Хэнтийгээ дэмжих” зорилтын хүрээнд Аймгийн иргэдийн Төлөөлөгчдийн Хурлаас санаачлан зохион байгуулсан 18 сум, 4 тосгоны 9-11дүгээр ангийн сурагчдын төлөөллөөс бүрдсэн 39 төлөөлөгчийн оролцоо бүхий “Миний хэнтий, Мини хурал” зорилтот ажилд идэвх санаачлага гарган, манлайлж оролцсон 4 шилдэг сурагчийг 9-дүгээр хуралдааны үеэр шагналаа.

“Шилдэг оролцогч”-оор Өмнөдэлгэр сумын ЕБС-ийн сурагч М.Сод-Ирээдүй, Галшар сумын ЕБС-ийн сурагч Э.Лхамсүрэн, Хэрлэн 1-р сургуулийн Б.Гоомарал нар, мөн өөрсдийн сум суурин газрын тулгамдсан асуудал бүхий “Эссэ” бичлэгийн уралдаанд Хэрлэн 1-р сургуулийн сурагч Х.Сайханчимэг нар тус тус шалгаран Батламж, мөнгөн шагналаар шагнагдсаныг Аймгийн иргэдийн Төлөөлөгчдийн Хурлын дарга, Аймгийн Засаг дарга нар гардуулав.

“Миний хэнтий, Мини хурал”-ын үеэр хүүхдүүдийн гаргасан гурав, гурван саналыг сумын удирдлагуудад нь тухайлан хүргүүлэх бөгөөд Хурлаар нийт гарсан санал, дэвшүүлсэн санаа хэрхэн хэрэгжсэн талаар Төлөөлөгч хүүхдүүд ирэх 4-р сард эргэн цуглаж үнэлэлт дүгнэлт өгч ажиллах юм.