ГАЗРЫН ХАРИЛЦААНЫ ТАЛААРХ СУРГАЛТ, ХЭЛЭЛЦҮҮЛЭГ ХЭСГИЙН АХЛАГЧ НАРТ ЗОХИОН БАЙГУУЛАВ
Иргэдийн Төлөөлөгчдийн Хурлын Ногоон хөгжил, газрын харилцааны хороо, дүүргийн Газрын албатай хамтран Газрын үнэлгээний зэрэглэл (бүс)–ийн газрын төлбөр тооцох итгэлцүүрийн тоон утга, түүнийг хэрэглэх газрын зааг, хязгаарыг тогтоох тухай” тогтоолын төсөлд санал авах сургалт, хэлэлцүүлгийн үйл ажиллагааг арванхоёрдугаар сарын 10-ны өдөр дүүргийн 14 дүгээр хорооны Иргэний танхимд 7-19 дүгээр хороодын хэсгийн ахлагч нарт зохион байгууллаа. 
Сургалт, хэлэлцүүлгийн үйл ажиллагаанд Ногоон хөгжил, газрын харилцааны хорооны дарга ИТХ-ын Төлөөлөгч Б.Цогзолмаа, хорооны гишүүн ИТХ-ын Төлөөлөгч Д.Баянбат, О.Цэнддорж, В.Хүрэлбаатар, Г.Бадамгарав, Нийслэлийн гэр хороолллын дахин төлөвлөлтийн газрын мэргэжилтэн Н.Нарангэрэл, дүүргийн Газрын албаны дарга Ж.Мөнх-Эрдэнэ, болон Газрын албаны холбогдох мэргэжилтэн, албан хаагчид оролцлоо. 
Газар зохион байгуулалтын талаарх сургалт мэдээллийг дүүргийн Газрын албаны дарга Ж.Мөнх-Эрдэнэ, Газрын төлбөрийн талаарх мэдээлэл, Газрын үнэлгээний зэрэглэл (бүс)–ийн газрын төлбөр тооцох итгэлцүүрийн тоон утга, түүнийг хэрэглэх газрын зааг, хязгаарыг тогтоох тухай” тогтоолын төслийн танилцуулгыг дүүргийн Газрын албаны мэргэжилтэн н.Амарбаясгалан, Гэр хороололын дахин төлөвлөлтийн талаар мэдээллийг Нийслэлийн гэр хороолллын дахин төлөвлөлтийн газрын мэргэжилтэн Н.Нарангэрэл тус тус танилцуулж, оролцогч хэсгийн ахлагчдад мэдээлэл хүргэж ажиллалаа.Энэхүү сургалт хэлэлцүүлгийн үйл ажиллагаанд 7-19 дүгээр хороодын 156 хэсгийн ахлагч хамрагдаж, газрын харилцаатай холбоотой асуудлаар санал, хүсэлтээ илэрхийлж, холбогдох албаны мэргэжилтнүүд хариулт өгсөн юм. 
Хэнтий аймгийн нутаг дэвсгэрт хамаарах усны сан бүхий газрын онцгой болон энгийн
хамгаалалтын бүсийн талбайн хэмжээ, хилийн зааг, унд ахуйн ус хангамжийн эх үүсвэрийн худгуудын эрүүл ахуйн хориглолтын болон хязгаарлалтын бүсийн талбайн хэмжээ, хилийн заагийг, усны сан бүхий газрын хамгаалалтын бүсэд давхацлын зөрчилтэй нэгж талбайн хэмжээ, эргэлтийн цэгийг тус тус батлахаар бэлтгэл ажлыг хангаж байгаа тул иргэд та бүхэн саналаа өгнө үү
Хамгаалалтын бүсийн хил заагийн мэдээллийг харах: Egazar.gov.mn цахим хаягаар орж Хэнтий аймгийн хилийг сонгоно. Аймаг\хот, цэснээс→Хэнтий, Сум\Дүүрэг цэснээс→сумын нэрийг сонгоход Давхаргууд цэс гарч ирнэ. Цэснээс→Төслийн шатны төлөвлөгөө→Аймгийн газар зохион байгуулалтын төлөвлөгөө→5:Усны сан бүхий газар→ 50201001:, 50201002: -ийг идэвхижүүлж хилийн цэсийг газрын зураг дээр харах боломжтой.
санал өгсөн: 8
