Шинэ он хаяанд ирсэн энэ өдрүүдэд байгууллага бүхэн шилдгүүдээ шалгаруулж байна.

Хувийн хэвшлийн байгууллагуудын “Мөнгөн үдэш”-20 жил “Entrepreneur-2019” шалгаруулах ёслолын арга хэмжээ Тэмүжин ресторанд ёслол төгөлдөр эхэлж Аймаг сумын удирдлагууд байгууллагын нэрэмжит шагналаа гардуулж баяр дээр нь баяр нэмлээ.

Ёслолын арга хэмжээнд Аймгийн иргэдийн Төлөөлөөгчдийн Хурлын дарга хэлсэн үгэндээ: “Манай аймгийн ААН хувийн хэвшлийн байгууллагууд маань Хэнтий нутгийнхаа зон олонд өөр өөрсдийн гэсэн бренд бүтээгдэхүүн үйлчилгээг хүргэхийн төлөө хичээнгүйлэн ажиллаж байгаад таатай байдаг. Төр хувийн хэвшлийн харилцааг улам өргөжүүлж ажиллана” гэдгээ хэллээ.

Энэ үеэр Хэнтий аймгийн хөгжил дэвшил, бүтээн байгуулалт, сайн сайхны тусын тулд иргэд, олон нийтийн сэтгэл ханамжид нийцсэн, өөрийн нэрийн бренд бүтээгдэхүүн чанар, соёлтой үйлчилгээг зориулж, нийгмийн өмнө хүлээсэн үүргээ нэр төртэй биелүүлж ажилласан “Энхнаран-Эрхэс” ХХК-ийн захирал Д.Энхмаа, “Тавилгын цех”-ийн захирал Э.Амгаланбаатар,  Ж.Энхбилэг захиралтай “Эн Би Жи” ХХК-ийн хамт олонд Аймгийн иргэдийн Төлөөлөгчдийн Хурлын “Хүндэтгэл” соёрхож мөнгөн шагналаар шагнан урамшуулав.