Хэрлэн сумын 2дугаар багийн иргэд Шинэ жилийн баярын цэнгүүнээ Спортын төв ордонд тэмдэглэн өнгөрүүлж байна.

            Баярын арга хэмжээнд Аймгийн иргэдийн Төлөөлөгчдийн Хурлын дарга Л.Батсайхан, Аймгийн Засаг дарга Н.Ганбямба, Хэрлэн сумын Засаг дарга бөгөөд Чингис хотын захирагч Ц.Идэрбат, Аймгийн иргэдийн Төлөөлөгчдийн Хурлын Тэргүүлэгч, Төлөөлөгч Г.Нэргүйбаатар, Хэрлэн сумын Төлөөлөгч Ж.Хонгорзул нар уригдан хөдөлмөр зүтгэлээрээ манлайлж яваа иргэдэд шагнал гардуулан баяр хүргэлээ.

            Энэ үеэр тус багаас сонгогдсон Төлөөлөгч Л.Батсайхан Хэнтий нутгийн хөгжил дэвшил, бүтээн байгуулалтад өөрийн хувь нэмрээ оруулж, иргэнийхээ үүргийг нэр төртэй биелүүлж яваа Б.Агьбуян, С.Наранцэцэг, Ч.Хэрлэнчимэг нарыг Хурлын даргын “Хүндэтгэл” мөнгөн шагналаар, зарим иргэдийг иргэдийн Төлөөлөгчдийн Хурлын СҮЛД тэмдэгээр шагнан урамшуулж баяр хүргэлээ.