Аймгийн иргэдийн Төлөөлөгчдийн Хурал, ДЗМОУБ-ын Бор-Өндөр-2 ОНХХ хамтран иргэдийн Төлөөлөгчдийн Хурал болон ИНХ-ын дарга, Тэргүүлэгч гишүүдийг чадавхжуулах сургалтыг зохион байгуулж байна.

Аймаг, сумын иргэдийн Төлөөлөгчдийн Хурал болон иргэдийн Нийтийн Хурлын дарга, Тэргүүлэгч, гишүүдийг гэмт хэргээс урьдчилан сэргийлэх, гэр бүл, хүүхдийн эсрэг хүчирхийллийг бууруулах, хамтарсан багийн үйл ажиллагаанд хяналт тавихад шаардлагатай үндсэн ойлголт өгөх, мэргэжил аргазүйн дэмжлэг үзүүлж, чадавхжуулах зорилгоор 2 өдөр үргэлжлэх юм.

Сургалтанд Аймгийн иргэдийн Төлөөлөгчдийн Хурлын төлөөлөгч Ц.Дэмбэрэлсайхан, М.Мөнхбат болон Биндэр, Баян-Адрага, Өмнөдэлгэр сумдын ИТХ-ын төлөөлөгчид, ИНХ-ын дарга нар хамрагдав.

Эхний өдрийн сургалтаар Хамтарсан багийн тухай ойлголт, эрхзүйн орчин, олон салбарын мэргэжилтэнүүд хамтран ажиллах нийгмийн хэрэгцээ шаардлага, Гэр бүлийн хүчирхийлэлтэй тэмцэх тухай хуулийн гол өөрчлөлт, ИХТ-ын чиг үүрэг, дарга гишүүдийн үүрэг, оролцоо, Хүүхдийн эрхийн тухай хууль, Хүүхэд хамгаалал, Хамтарсан багийн үзүүлэх үйлчилгээ түүнд тавих хяналт зэрэг сэдвээр мэдлэг мэдээлэл олгож дүгнэлт асуулт хариултаар үргэлжлэх аж.