ЧИНГЭЛТЭЙ ДҮҮРЭГ 2019 ОНД СУРГУУЛЬ ЦЭЦЭРЛЭГ РҮҮ ЧИГЛЭСЭН 23 БҮТЭЭН БАЙГУУЛАЛТЫН АЖИЛ ТӨЛӨВЛӨСӨН БАЙНА
Чингэлтэй дүүрэгт 2019 хийгдэх томоохон бүтээн байгуулалтын ажлын календарчилсан төлөвлөгөөг Төрийн үйлчилгээг иргэдэд хүргэдэг анхны шатны нэгж байгууллагуудад танилцуулах, тэдний санал бодлыг сонсох уулзалт үргэлжилж байна. Өнөөдөр буюу гуравдугаар сарын 26-ны өдөр Дүүргийн Иргэдийн Төлөөлөгчдийн Хурлын дарга Д.Бат-Эрдэнэ Чингэлтэй дүүргийн ерөнхий боловсролын сургуулийн 17 дугаар дунд сургуулийн багш ажилтнуудтай уулзаж мэдээлэл хийв. Уулзалтаар Чингэлтэй дүүрэгт 2019 онд хийгдэх томоохон бүтээн байгуулалтын ажлын календарчилсан төлөвлөгөөг дэлгэрэнгүй танилцуулж, боловсрол, эрүүл мэндийн талаар дүүргээс баримталж буй бодлого чиглэлийг танилцуулж, тэдний санал бодлыг сонслоо. 
Чингэлтэй дүүрэгт 2019 онд сургууль, цэцэрлэг рүү чиглэсэн бүтээн байгуулалтын 23 ажил төлөвлөсөн байна. Жишээ нь 10 дугаар хороо, 39 дүгээр сургуулийн ард “Чингэлтэй дүүргийн Спорт цогцолбор”, “Соёл, спорт, амралт, аялал жуулчлалын цогцолбор”, 117 дугаар сургуулийн зүүн хойд талд буюу Ар согтоотод “Бага сургууль, цэцэрлэгийн цогцолбор”, 16 дугаар хороонд 150 ортой хүүхдийн цэцэрлэг, Сэлбэ дэд төвийн төлөвлөгдсөн ажлын хүрээнд Мэргэжлийн сургалт үйлдвэрлэлийн төв болон 240 хүүхдийн ортой цэцэрлэгийн барилгын ажил зэрэг бүтээн байгуулалтын ажлуудыг 2019 онд хийж хэрэгжүүлэхээр төлөвлөөд байна. 
Мөн дүүргийнхээ 170 гаруй мянган иргэдэд зориулж “Хайрхан хөгжлийн төв”-ийг дүүргийн 7,14,19 дүгээр хороодод тус тус байгуулахаар төлөвлөснөөс эхний ээлжинд 2018 онд 19-р хороонд барьж ашиглалтад оруулсан. Хороо бүр “Жишиг өрхийн эрүүл мэндийн төв”-тэй болох ажлыг жил бүр үе шаттайгаар хэрэгжүүлж байна.2015-2018 онд Явуулын 90 ажлын байр ажиллуулж 200 гаруй иргэнийг ажлын байраар хангасан бол 2019 онд явуулын 20 ажлын байр нэмэгдүүлэхээр төлөвлөсөн байна. 13,7,16 дугаар хороодын авто замын ажил, “Жишиг гудамж”-ыг үе шаттайгаар хийх, “Жигжидийн уулзвар дахь Цагдаагийн хэсгийн байрны барилга, “Гүнтэд байрлах хяналт шалгалтын товчоо” гэх мэт томоохон бүтээн байгуулалтын ажлуудыг Чингэлтэй хайрханыхаа Их тахилгын өмнө буюу 9 дүгээр сард дуусгахаар ажиллаж байна. 
Хэнтий аймгийн нутаг дэвсгэрт хамаарах усны сан бүхий газрын онцгой болон энгийн
хамгаалалтын бүсийн талбайн хэмжээ, хилийн зааг, унд ахуйн ус хангамжийн эх үүсвэрийн худгуудын эрүүл ахуйн хориглолтын болон хязгаарлалтын бүсийн талбайн хэмжээ, хилийн заагийг, усны сан бүхий газрын хамгаалалтын бүсэд давхацлын зөрчилтэй нэгж талбайн хэмжээ, эргэлтийн цэгийг тус тус батлахаар бэлтгэл ажлыг хангаж байгаа тул иргэд та бүхэн саналаа өгнө үү
Хамгаалалтын бүсийн хил заагийн мэдээллийг харах: Egazar.gov.mn цахим хаягаар орж Хэнтий аймгийн хилийг сонгоно. Аймаг\хот, цэснээс→Хэнтий, Сум\Дүүрэг цэснээс→сумын нэрийг сонгоход Давхаргууд цэс гарч ирнэ. Цэснээс→Төслийн шатны төлөвлөгөө→Аймгийн газар зохион байгуулалтын төлөвлөгөө→5:Усны сан бүхий газар→ 50201001:, 50201002: -ийг идэвхижүүлж хилийн цэсийг газрын зураг дээр харах боломжтой.
санал өгсөн: 8
