Төр, зарим хувийн хэвшлийн байгууллагуудын үйл ажиллагаатай танилцах, Төлөөлөгч бүрэн эрхийн хүрээнд хэрэгжүүлсэн ажлаа тайлагнах, иргэдийн санал бодол сонсох, тулгамдсан асуудлын талаар мэдээлэл авах, оролцоог нэмэгдүүлэх зорилготой "Төлөөлөгчийн өдөр" тайлант өдөрлөгийг 2019 оны 06 дугаар сарын 27-ны өдөр Дархан суманд зохион байгуулав.
2019 онд аймгийн иргэдийн Төлөөлөгчдийн Хурлаас орон нутагт ажиллаж, тодорхой асуудлуудаар хяналт хэрэгжүүлэх, гаргасан шийдвэрүүдийнхээ хэрэгжилтийг тооцох, Төлөөлөгчдийг эргэх холбоотой ажилахад дэмжлэг үзүүлэх чиглэлээр ажиллаж байгаа бөгөөд энэ удаа аймгийн Иргэдийн Төлөөлөгчдийн Хуралд Дархан сумаас сонгогдсон Ж.Энхтөр, Дархан сумын иргэдийн Төлөөлөгчдийн Хурал, Засаг даргын Тамгын газартай хамтран "Төлөөлөгчийн өдөр"-ийг хийв.
Өдөрлөгийн үеэр Гар бөмбөгийн тэмцээн, Их насны морины уралдаан, Хүчит бөхийн барилдаан, Олс таталтын тэмцээн, Шатар, даамын тэмцээн зохион байгуулж, сумын иргэдийн Төлөөлөгчдийн Хурлын Төлөөлөгчид, байгууллагын дарга нартай уулзаж, иргэдтэй уулзалт хийлээ.
