Аймгийн иргэдийн Төлөөлөгчдийн Хурлаас аймаг, сумын иргэдийн Төлөөлөгчдийн Хурлын төлөөлөгчдийг сонгогдсон тойргийнхоо иргэд, сонгогчидтой уулзаж, санал хүсэлтийг сонсох, тойрогтоо хийсэн ажлаа тайлагнах, "Эргэх холбоо"-г бий болгох зорилгоор 2019 оноос эхлэн бүх сумдад "Төлөөлөгчийн өдөр"-ийг зохион байгуулах зорилтыг дэвшүүлэн одоогийн байдлаар Өмнөдэлгэр, Биндэр, Дадал, Баян-Овоо, Мөрөн, Галшар, Баянхутаг, Дархан, Баянмөнх сумдад зохиогдож, төлөөлөгчдийн урлагийн тоглолт, спортын уралдаан тэмцээн, уулзалтууд, хүмүүнлэгийн болон соён гэгээрүүлэх арга хэмжээ, цэнгүүн зэргийг зохион байгуулсанд сумдын иргэд сэтгэл хангалуун байгаагаа илэрхийлж байсан юм.
9 дүгээр сарын 25-ны өдөр тайлант өдөрлөгийн нээлтийг Хэрлэн суманд зохион байгуулж, тус сумаас сонгогдсон аймаг, сумын иргэдийн Хурлын төлөөлөгчид, иргэд, сонгогчид оролцлоо. Өдөрлөгийн нээлтийн үеэр аймгийн ИТХ-ын дарга Л.Батсайхан "Өнгөрсөн хугацаанд зохион байгуулсан аймгийн ИТХ-ын үйл ажиллагааны тайлан"-г иргэдэд толилуулснаас гадна 10 байгууллагаас 243 иргэд төрийн үйлчилгээг үзүүллээ.
Тухайн өдөрлөг багуудад үргэлжлэх бөгөөд Төлөөлөгчид хийсэн ажлаа тайлагнах, спортын уралдаан тэмцээн, уулзалт, ярилцлага зохион байгуулах юм.