Аймагт ГХУСАЗСЗ өчигдөр хуралдаж, гэмт хэргийн нөхцөл байдлын талаарх мэдээлэл, "Камержуулалтын аян"-ы танилцуулга, Дэлхийн Байгаль Хамгаалах сангийн Зүүн бүсийн салбарын судалгааны тайлан зэрэг 4 асуудал хэлэлцлээ.
Энэ оны 8 сарын байдлаар орон байрны хулгайн гэмт хэрэг 101, малын хулгайн гэмт хэрэг 169 бүртгэгдсэн ба зам, харилцаа холбоо, унаа техник, хэрэгсэл сайжирч, хулгайчдын сүлжээ бий болсон, малчид малаа тогтмол хариулга маллагаагүй байдал, сумдын ГХУССЗ-үүд хяналт шалгалтын ажил зохион байгуулахгүй байгаа, Малын эрүүл мэндийн тухай хууль гарснаар гарал үүслийн бичгийг сумын малын эмч нар олгодог болж, багийн Засаг дарга, хэсгийн төлөөлөгчийн хяналтыг орхиогдуулсан, Эрүүгийн хууль, Эрүүгийн хэрэг хянан шийдвэрлэх тухай хууль хэрэгжиж эхэлснээр хохирогчдын эрх ашгийг хамгаалах бус, сэжигтнүүдийн эрхийг илүүд үзсэнээс ялангуяа малын хулгайн гэмт хэрэг өссөн байна гэж дүгнэлээ.
Хуралдаанаас орон байрны болон малын хулгай өсч буйтай холбогдуулан "Хяналт шалгалт" арга хэмжээг 10 дугаар сарын 10-ны өдрөөс эхлэн зохион байгуулахаар тогтож, шаардагдаж хөрөнгийн асуудлыг шийдлээ....,
Аймгийн ИТХТ-ийн 2013 оны 6 дугаар тогтоолын хэрэгжилтийг хангах чиглэлээр сумдууд, албан байгууллага, аж ахуйн нэгжүүдэд камер суурилуулах ажлыг хэрхэн зохион байгуулсан байдалд шалгалт хийсэн дүнг хэлэлцэж, санаачлагатай ажилласан сум, байгууллага, аж ахуйн нэгжийг шагнаж урамшуулахаар тогтлоо.
