Хүүхдийг гэмт хэрэг зөрчлөөс урьдчилан сэргийлэх, хүүхдийн эрхийг хамгаалах зорилгоор аймгийн ГХУСАЗСЗ энэ оны эхнээс аймгийн хэмжээнд "Өсвөрийн сэргийлэгч бүлгэм"-ийг сургууль бүрт байгуулан идэвхжүүлэн ажиллаж байгаа билээ.
Мөрөн сумын Ерөнхий сургуулийн өсвөрийн сэргийлэгч “Баатрууд” бүлгэм 21 аймаг, 7 дүүргийн өсвөрийн сэргийлэгч бүлгэмүүдтэй өрсөлдөн “Өсвөрийн сэргийлэгч-2019” тэмцээний III шат буюу улсын шилдэг 10 бүлгэмийн нэгээр шалгарч, улсын аварга шалгаруулах тэмцээнд оролцох эрхээ авсан бөгөөд сурагчдын тэмцээнд оролцох зардалд дэмжлэг болгож, гэмт хэргээс урьчилан сэргийлэх ажлын зардлаас 1 сая төгрөгийг олгосныг аймгийн иргэдийн Төлөөлөгчдийн Хурлын дарга бөгөөд ГХУСАЗСЗ-ийн дарга Л.Батсайхан өнөөдөр гардуулан өгч, амжилттай оролцохыг хүслээ.
Өсвөрийн сэргийлэгч нь Ерөнхий боловсролын сургуулийн сурагчдыг сургуулийн болон гэр бүлийн орчинд үйлдэгдэж болзошгүй гэмт хэрэг, зөрчлөөс урьдчилан сэргийлэх, тэдний хууль, эрх зүйн мэдлэгийг дээшлүүлэх, харилцан туршлага, мэдээлэл солилцох, гэмт хэргээс урьдчилан сэргийлэх ажилд туслах зорилгоор ажилладаг юм.