Хуулийн байгууллагуудын хамтын ажиллагаа, ажлын уялдаа холбоог сайжруулах, чөлөөт цагаа зөв боловсон өнгөрүүлэх зорилгоор “Хуулийн байгууллагуудын спортын өдөрлөг”-ийг Аймагт Гэмт Хэргээс Урьдчилан Сэргийлэх Ажлыг Зохицуулах Салбар зөвлөл жил бүр уламжлал болгон зохион байгуулж ирсэн ба энэ оны тэмцээн 2019 оны 10 дугаар сарын 24-ний өдөр боллоо.
Тэмцээнд аймгийн Шүүх, Прокурор, Цагдаагийн газар, Шүүхийн Шийдвэр Гүйцэтгэх Газар, Шүүхийн Шинжилгээний алба, аймагт ГХУСАЗСЗ гэсэн 6 багийн 70 гаруй тамирчид Холимог гар бөмбөг, Теннис, Шатрын төрлөөр өрсөлдлөө.
Тэмцээний гар бөмбөг 1 дүгээр байр аймгийн Цагдаагийн газар, 2 дугаар байр Аймагт ГХУСАЗСЗ, 3 дугаар байр Шүүхийн Шийдвэр Гүйцэтгэх Газар, Теннис эрэгтэй 1 дүгээр байр Шүүхийн Шийдвэр Гүйцэтгэх Газар Б.Батбаяр, 2 дугаар байр Аймагт ГХУСАЗСЗ Л.Мөнхбаатар, 3 дугаар байр аймгийн Шүүх Б.Дарханбаатар, эмэгтэй 1 дүгээр байр Шүүхийн Шийдвэр Гүйцэтгэх Газар О.Алтансувд, 2 дугаар байр аймгийн Шүүх Б.Сүхгомбо, 3 дугаар байр Цагдаагийн газар Б.Алтансувд нар эзэллээ.
Шатрын эрэгтэй 1 дүгээр байр Аймагт ГХУСАЗСЗ, Л.Батсайхан, 2 дугаар байр Шүүхийн Шинжилгээний Алба Б.Өнөрборгил, 3 дугаар байр Шүүхийн Шийдвэр Гүйцэтгэх Газар Цолмон, эмэгтэй 1 дүгээр байр аймгийн аймгийн Шүүх Э.Оюун-Эрдэнэ , 2 дугаар байр Шүүхийн Шийдвэр Гүйцэтгэх Газар Б.Наранмижид, 3 дугаар байр Цагдаагийн газар Ж.Оюун-Эрдэнэ нар тус тус эзэлж, өргөмжлөл, мөнгөн шагналаар шагнагдав.
Багийн дүнгээр Шүүхийн Шийдвэр Гүйцэтгэх Газар тэргүүлж, Өргөмжлөл, мөнгөн шагнал, цомын эзэн боллоо. Тэмцээнийг аймагт ГХУСАЗСЗ-өөс 1,2 сая төгрөгөөр санхүүжүүлэв.