Ховд сумын Баруун салаа багийн малчин Х.Хайрат, С.Жайнагүл нар 1997 онд гэр бүл болоод эрдэнэт мал сүргээ 5 төрөл дээр нь өсгөж, 2017 онд Сумын аварга малчин, мөн сумын хошой аварга малчнаар 2 удаа шалгарч байжээ. Энэ жил “Аймгийн аварга малчин”-ы болзлыг хангаж, “Аймгийн аварга малчин” цол тэмдгээ гардан авлаа.
Х.Хайрат, С.Жайнагүл нар 2020 оны жилийн эцсийн мал тооллогоор 1350-аад мал тоолуулж, адуун сүрэг болон бог малаа илүү давамгай өсгөж байна. Аймгийн аварга малчин Х.Хайрат, С.Жайнагүл сүүлийн 5 жил төл малаа 100 хувь бүрэн хүлээж авсан байна.
Аймгийн аварга малчин Х.Хайрат нь малынхаа үүлдэр угсааг сайжруулахын тулд Баян-Өлгий аймгийн хуц, ухнаар бог малынхаа сүргийн бүтцэд анхаарч мал сүргээ өсгөж байгаа малчин юм.
Ховд сумын Баруун салаа баг нь 175 өрх, 761 хүн амтай, мал аж ахуй, газар тариалан хосолсон баг юм. Багийн 93 өрх малчин, бусад өрх нь газар тариалангийн салбарт ажиллаж байна. Энэ жилийн мал тооллогоор 49,000 мянган мал тоолуулж, сумандаа бод малаараа тэргүүлж байна.
Тус багаас “Монгол улсын аварга малчин” 2 /Л.Дамдинжамц, н.Сэсэрхаан/, “Аймгийн хошой аварга малчин 3 төрөн гарсан байна. Х.Хайрат, С.Жайнагүл нар багийнхаа 16 дахь аймгийн аварга малчид юм.
