Дархан сумын хэмжээнд 2021 оны 6 дугаар сард 227 гэмт хэрэг бүртгэгдэж, өнгөрсөн оны мөн үетэй харьцуулахад 18 хувиар буурсан дүнтэй байна.

Үйлдэгдсэн гэмт хэргийн дотор Хөдөлгөөний аюулгүй байдал, тээврийн хэрэгслийн ашиглалтын журмын эсрэг гэмт хэрэг  7 бүртгэгдэж 16,7 хувиар, хүний амьд явах эрхийн эсрэг гэмт хэрэг 4 бүртгэгдэж 33,3 хувиар, хүний бэлгийн эрх чөлөө, халдашгүй байдлын эсрэг гэмт хэрэг 6 бүртгэгдэж 20 хувиар, олон нийтийн аюулгүй байдал, ашиг сонирхлын эсрэг гэмт хэрэг 17 бүртгэгдэж 3 дахин,  Согтуугаар үйлдэгдсэн гэмт хэрэг 75 бүртгэгдэж 4,2 хувиар, Гэр бүлийн хүчирхийллийн улмаас үйлдэгдсэн гэмт хэрэг 31 бүртгэгдэж 10,7 хувиар тус тус өссөн дүнтэй байна.

Хүний эрүүл мэндийн халдашгүй байдлын эсрэг гэмт хэрэг 78 бүртгэгдэж 13,3 хувиар, Өмчлөх эрхийн эсрэг гэмт хэрэг 111 бүртгэгдэж 30,7 хувиар,  Гудамж талбайд үйлдэгдсэн гэмт хэрэг 46 болж 16,3 хувиар, Гэр орон сууцанд үйлдэгдсэн гэмт хэрэг 128 болж 11,1 хувиар тус тус буурсан дүнтэй байна. Насанд хүрээгүй хүн оролцсон гэмт хэрэг өмнөх онд 9 бүртгэгдэж байсан бол энэ онд 12 бүртгэгдэж 33,3 хувиар өссөн байна.