Аймгийн ИТХ-ын дэргэдэх Хүрээлэн буй орчны эсрэг гэмт хэргээс урьдчилан сэргийлэх дэд зөвлөл /ХБОЭГХУСДЗ/-ийн дэргэд Жаргалант сумын 7 сургуулийн эко клубийн ахлагч сурагчдаас бүрдсэн “НОГООН БАЙГАЛЬ” эко клуб ажилладаг.
Тус клубийн сурагчид “Эх дэлхийн цаг” арга хэмжээнд нэгдэж, дуу хоолойгоо хүргэлээ.
Дэлхийн байгаль хамгаалах сангийн санаачилсан “Эх дэлхийн цаг” арга хэмжээ 12 дахь жилдээ амжилттай зохион байгуулагдлаа.
Энэ удаагийн арга хэмжээ /2022.03.25/-ны өдөр "10000 мод Олон ястны угтах хаалга"-ны эхэн хэсэгт боллоо.
Хэрвээ бид 1 цаг (60 минут) гэрлээ унтраавал дунджаар 1.1 сая кВт эрчим хүч буюу 153.9 сая төгрөг хэмнэх боломжтой юм байна.
Иймээс ногоон ирээдүйг бүтээхэд хүн бүрийн оролцоо чухал учраас иргэн бүр зөв хэрэглээтэй байж, гэрлээ унтраан, цахилгаанаа хэмнэж, уур амьсгалын өөрчлөлттэй тэмцэхэд хувь нэмрээ оруулахыг “НОГООН БАЙГАЛЬ” эко клубийн сурагчид уриаллаа.
