Нийслэлийн Чингэлтэй дүүргийн иргэдийн Төлөөлөгчдийн Хурлын Хот байгуулалт, дэд бүтэц, үйлдвэр үйлчилгээ, гэр хорооллын хөгжлийн хорооноос санаачилж, ИТХ-ын Зөвлөлөөс дэмжин баталсан хог хаягдлыг ангилан ялгаж, байгаль орчинд учрах нөлөөллийг бууруулах зорилго бүхий “Чингэлтэйн хог баялаг болно” төсөл хэрэгжиж байна.
Төслийн хүрээнд “Хог биш баялаг” ТББ-тай хамтран “Чингэлтэйн хог баялаг болно” сэдэвт сургалт, хэлэлцүүлэг, нөлөөллийн ажлыг 24 хорооны Иргэний танхимаар дамжуулан нийт 35 удаа зохион байгуулахаар төлөвлөн үе шаттайгаар хэрэгжүүлж байна.
2022 оны 09 дүгээр сарын 21-ний өдөр 19,24 дүгээр хорооны иргэд “Чингэлтэйн хог баялаг болно” сургалт, хэлэлцүүлэг, нөлөөллийн ажилд идэвхтэй хамрагдлаа.
Тус үйл ажиллагаанд дүүргийн ИТХ-ын Төлөөлөгч, Хот байгуулалт, дэд бүтэц, үйлдвэр үйлчилгээ, гэр хорооллын хөгжлийн хорооны дарга Т.Идэрцагаан, ИТХ-ын Төлөөлөгч, Зөвлөлийн гишүүн, 19 дүгээр хорооны Засаг дарга Л.Цэеэрэгзэн, ИТХ-ын Төлөөлөгч Д.Уянга, Б.Болортунгалаг, 24 дүгээр хорооны Засаг дарга Э.Бадрал нар оролцлоо.
Энэхүү сургалт, хэлэлцүүлэг, нөлөөллийн ажил нь хуваарийн дагуу өнөөдөр буюу 2022.09.22-ны өдрийн 11:00 цагаас Хайрхан хөгжлийн төвийн Урлаг зааланд, 14:00 цагаас 149 сургуулийн урлаг зааланд 20 дугаар хорооны иргэдийг хамруулах тул иргэд та бүхнийг идэвхтэй оролцохыг урьж байна.
#Чингэлтэйн_хог_баялаг_болно.
Хоггүй ирээдүйн төлөө хамтдаа
ХУРЛЫН АЖЛЫН АЛБА
