Нийслэлийн Засаг даргын Тамгын газрын Цэргийн штабын сургалт бэлтгэлийн нэгдсэн төлөвлөгөөний дагуу дүүргийн хорооны Засаг дарга нарын Цэргийн бэлтгэл сургалтыг 2022 оны 10 дугаар сарын 14 ний өдөр батлагдсан хөтөлбөрийн дагуу Зэвсэгт хүчний 084 дүгээр ангийн Тусгай хүчний сургалтын төвд зохион байгуулж явууллаа.
Сургалтад ҮБХИС ийн Удирдлагын академийн профессор багш бригадын генерал Б.Наран-Очир, Б.Даваацэрэн нар хөтөлбөрийн дагуу сургалтын үйл ажиллагаанд дэмжлэг үзүүлэн зохион байгуулж явуулсан юм. Тус сургалтаар хамтын ажиллагаатай Зэвсэгт хүчний 084 дүгээр ангийн соёл хүмүүжлийн материаллаг баазыг дээшлүүлэх зорилгоор хөгжмийн иж бүрэн техник хэрэгслийг дүүргийн Засаг даргын Тамгын газрын дарга П.Баянбаатар гардуулан өглөө.
