Ардчилсан шинэ Үндсэн хуулийн энэхүү өдрөөр Аймгийн иргэдийн Төлөөлөгчдийн Хурал, Нийтийн номын сантай хамтран Үндсэн хуулийн номнуудаар үзэсгэлэн гаргаж, ном унших эрх чөлөөг нээж өнөөдөр хүрэлцэн ирсэн хүүхэд бүрт Уншигчийн картыг нь Аймгийн ИТХ-аас үнэгүй нээн мэдлэг оюунд нь хөрөнгө оруулалт хийв.
Тэртээ 1992 оны 01 дүгээр сарн 13-ны өдрийн яг энэ өдөр энэ цагт /11 цаг 35 мин/-д БНМАУ-ын Ардын Их Хурлын 429 депутатууд, түүний дотор Хэнтий аймгийн 23 депутат оролцон Ардчилсан шинэ үндсэн хуулийг баталсан түүхтэй.
Ардчилсан шинэ Үндсэн хууль баталсан энэ өдрийн 11.35 цагт Аймгийн иргэдийн Төлөөлөгчдийн Хурлын нарийн бичгийн дарга С.Бат-Эрдэнэ, АИТХ-ын Хяналт дүн шинжилгээ, Хууль эрхзүйн хэлстийн дарга Ү.Энх-Ариунаа, Үндсэн хууль батлагч депутат С.Ганболд нар Нийтийн номын санд хүрэлцэн ирсэн хүүхэд багачуудтай уулзан санал солилцлоо.
Монголын ирээдүй болсон хүүхэд багачууддаа эрдмийн их алсад нь амжилт хүсч, эрдэм мэдлэгийн дээд номтой нөхөрлөх үйлсийг нь дэмжин ажиллаж байгаадаа талархан, Та нар Монголын ирээдүйн Их эзэд шүү хэмээн албаны хүмүүс талархал илэрхийллээ.