Өнөөдөр /2023.03.03/ Дархан-Уул аймгийн эмэгтэйчүүдийн холбоо, УИХ-ын гишүүн, Сангийн сайд Б.Жавхлангийн ажлын алба, Дархан-Уул аймгийн ИТХ, Жендэрийн үндэсний хороотой хамтран “Иргэдийн төлөөлөгчийн манлайлал” сургалт, уулзалтыг эмэгтэйчүүдийн ордонд зохион байгууллаа.
Тус сургалтад "Иргэдийн төлөөлөгчдийн манлайлал", "Жендэр ба хөгжил", "Монгол улсын жендэрийн эрх тэгш байдлын хуулийн хэрэгжилтэнд хийсэн үнэлгээний танилцуулга", "Ажил амьдралын тэнцвэр" сэдэвт сургалтууд явагдаж байна.
Сургалтад Дархан-Уул аймгийн болон 4 сумын иргэдийн төлөөлөгчдийн хурлын нийт эмэгтэй төлөөлөгч нар хамрагдаж байгаа бөгөөд сургалтаар орон нутгийн эмэгтэйчүүдийн улс төрийн манлайллыг дэмжих, шийдвэр гаргах түвшний оролцоог нэмэгдүүлэхэд шаардлагатай мэдлэг, мэдээллийг хүргэх юм.